معذور افراد کی ملازمتوں کے کوٹے پر عملدرآمد کرانے کے لیے 50 سے زائد معذور افراد نے سندھ ہائیکورٹ میں درخواست دائر کردی۔

سندھ ہائیکورٹ میں دائر درخواست میں موقف اختیار کیا گیا ہے کہ حکومت نے 2015میں معذور افراد کیلئے کوٹا دو فیصد سے بڑھا کر پانچ فیصد کردیا تھا۔

کوٹے میں اضافے اور یقین دہانی کے باوجود عملدرآمد نہیں کیا جارہا۔ درخواست گزاروں نے عدالت سے معذور افراد کی ملازمتوں کے کوٹے پر عملدرآمد یقینی بنانے کا حکم دینے کی استدعا کی ہے۔