مقبوضہ کشمیر میں انسانی حقوق کی خلاف ورزی اور برہان وانی کی شہادت اہم مسئلہ ہے وزیر اعظم میاں نواز شریف کا کہنا ہے کہ مقبوضہ کشمیر میں بھارتی مظالم دنیا کے سامنے لائیں گے۔

وزیراعظم محمد نواز شریف کی مصروفیات میں اضافہ ہو گیا ہے انہوں نے آج اہم مشاورتی اجلاس جاتی امرا میں طلب کر لیاہے جس میں وفاقی کابینہ کے اجلاس کا ایجنڈا جاری کیا جائے گا۔

وزیراعظم کی زیرِصدارت وفاقی کابینہ کا اجلاس جمعےکےروزگورنر ہاؤس لاہور میں ہوگا امکان ہےکہ اس اجلاس میں مقبوضہ کشمیر کی کشیدہ صورتحال کے حوالے سے اہم فیصلے کیے جائیں گے۔

حکومتی ذرائع کے مطابق وزیراعظم محمد نواز شریف نےجاتی امرارائےونڈ میں سرگرمیاں تیز کر دی ہیںانہوں نے مختلف امورپرغوروخوض کیلئےآج اہم مشاورتی اجلاس طلب کررکھاہےجس میں وفاقی وزراء اور لیگی رہنما شرکت کریں گے۔