13 اکتوبر ، 2016 
پاکستان ویمن فٹبالر شہلیلا بلوچ کار حادثے میں جاں بحق
13 اکتوبر ، 2016
پاکستان ویمن فٹبال ٹیم کی رکن شہلائلہ بلوچ کار حادثے میں انتقال کرگئیں ، وہ پی سی بی ویمنز ونگ کی چیرپرسن سینٹر روبینہ عرفان کی صاحبزادی تھیں ، شہلائلہ بلوچ کی میت بلوچستان روانہ کردی گئی ہے ۔
پاکستان فٹبال ٹیم کی تیزرفتار اسٹرائیکرشہلائلہ بلوچ گزشتہ شب تیز رفتار کار کے حادثے میں زندگی کی بازی ہار گئیں ،تیز رفتار کار بے قابو ہوئی کھمبے سے جاٹکرائی ، جو شہلائلہ کی موت کا باعث بن گئی۔
شہلائلہ کی میت بلوچستان کے شہر قلات روانہ کر دی گئی ، جہاں ان کی نماز جنازہ ادا ہو گی اور تدفین کی جائے گی۔
شہلائلہ بلوچ چار سال سے پاکستان فٹبال ٹیم کی مستقل رکن تھیں ، دو سال پہلے لاہور میں ہونے والی چیمپئن شپ میں بہترین کھلاڑی کا ایوارڈ بھی شہلائلہ کے نام رہا ،ان کی بڑی بہن راحیلہ بلوچ پاکستان ویمن فٹبال ٹیم کی منیجر اور چھوٹی بہن بھی فٹبالر ہیں ۔
شہلائلہ بلوچ پاکستان فٹبال فیڈریشن ویمن ونگ کی چیِرپرسن سینٹر روبینہ عرفان کی صاحبزادی ہیں۔
مزید خبریں :
