جواد حامد ملک...وفاقی وزیر تجارت انجینئرخرم دستگیر کا کہناہے کہ پاکستان کو جی ایس پی پلس اسٹیٹس 2023ء تک ملا ہے، پاکستان معاہدے کی تمام شقوں پر پوری طرح عمل کر رہا ہے، یورپی یونین کےاس حوالےسےکوئی تحفظات نہیں۔

خرم دستگیرنے لاہور میں رائس ایکسپورٹ ایسوسی ایشن کی تقریب میں شرکت کے موقع پر میڈیا سے گفتگومیں کہا کہ پاکستانی ٹیکسٹائل مصنوعات کی دنیا بھر میں مانگ بڑھ رہی ہے۔

انہوں نے مزید کہا کہ یورپی یونین سے جی ایس پی پلس اسٹیٹس کی وجہ سے برآمدی حجم میں بھی اضافہ ہو رہا ہے، اس معاہدے پر ہر2سال بعد نظر ثانی کی جاتی ہے،امید ہے تمام شرائط پوری ہونے پر مزیدسہولتیں ملیں گی۔

وفاقی وزیر خرم دستگیر نے یہ بھی بتایا کہ چاول کی برآمدات بڑھانے کے لیے جلد نئی پالیسی لائی جائےگی۔