کھیل
30 مارچ ، 2017
30 مارچ ، 2017 
مجھ جیسا آدمی سیاست نہیں کرسکتا، شاہد آفریدی
30 مارچ ، 2017
کرکٹر شاہد خان آفریدی کا کہنا ہے کہ ان جیسا آدمی سیاست نہیں کرسکتا، وہ جس سیاسی جماعت میں جائیں گے وہاں سے جلد نکالے جائیں گے کیونکہ وہ اپنی ہی جماعت کے خلاف باتیں کر رہے ہوں گے۔
قومی کرکٹ ٹیم کے سابق کپتان شاہد آفریدی ’جیونیوز‘ کے پروگرام ’جرگہ‘میں ان خیالات کا اظہار کر رہے تھے، یہ پروگرام ’جیو نیوز‘ پر آج رات 10بج کر 5منٹ پر پیش کیا جائے گا۔
شاہد آفریدی نے اپنے سیاسی بیان پر تبصرہ کرتے ہوئے کہا کہ اگر کوئی اچھا کام کرے تو اس کی تعریف کرنی چاہیے۔
انہوں نے بتایا کہ وہ عمران خان کے ہر اچھے کام میں سب سے آگے رہے ہیں، پرویزخٹک کے خلاف بیان کے بعد وضاحت کرکے عمران خان کو خوش نہیں کیا۔
مزید خبریں :
