معردف عالم دین مفتی نعیم نے مشعال خان کے وحشیانہ قتل کی مذمت کرتے ہوئے کہا ہے کہ یہ واقعہ شرعی اور ملکی قوانین کے منافی ہے اور اس کی سزا ریاست پر چھوڑ دینی چاہئے۔

مفتی نعیم نے جامعہ بنوری کراچی میں پریس کانفرنس سے خطاب میں خبردار کیا کہ سندھ میں رینجرز کو اختیار دینے میں مزید تاخیر کی گئی تو بھرپور احتجاج کیا جائے گا۔

ان کا کہنا تھا کہ سندھ حکومت اپنی باتیں منوانے کے لیے رینجرز کو اختیارات دینے میں ٹال مٹول کر رہی ہے، اس کی وجہ سے کراچی سمیت صوبے بھر میں جرائم کی صورتحال پھر بے قابو ہوسکتی ہے۔

مفتی نعیم نے کہا کہ اگر سندھ حکومت نے اس معاملے میں مزید تاخیر کی تو بھرپور احتجاج کیا جائے گا۔

انہوں نے مزید کہا کہ مذہبی طبقے کا دہشت گردی اور انتہا پسندی سے کوئی تعلق نہیں، نورین لغاری اور دیگر دہشت گردوں کی گرفتاری کے بعد یہ بات ثابت ہوچکی ہے۔