31 مئی ، 2017 
شرجیل میمن کے خلاف غیر قانونی الاٹمنٹ کیس کی سماعت ملتوی
31 مئی ، 2017
سندھ ہائی کورٹ نے صوبائی وزیر شرجیل میمن کے خلاف گیارہ ہزارایکڑ زمینوں کی غیر قانونی الاٹمنٹ کی سماعت کل تک ملتوی کردی جبکہ محکمہ اطلاعات میں 5 ارب روپے کی کرپشن سےمتعلق کیس میں ضمانت کی درخواست دیگر ملزمان کے ساتھ منسلک کرنے کا حکم دیا ہے۔
سابق صوبائی وزیر اطلاعات شرجیل میمن کی نیب انکوئری کے خلاف دراخواست کی سماعت ہوئی۔
شرجیل میمن پر ملیر میں 11 ہزار ایکڑ سے زائد کی زمین غیر قانونی الاٹمنٹ کا الزام ہے۔
عدالت نے کاغذات کو علیحدہ کرنے کی ہدایت کرتے ہوئے درخواست کی سماعت کل تک ملتوی کردی ۔
دوسری جانب سندھ ہائی کورٹ نے محکمہ اطلاعات میں 5 ارب روپے کی کرپشن سے متعلق کیس میں سیکریٹری محکمہ اطلاعات ذوالفقار شلوانی کی ضمانت میں مزید ایک روز کی توسیع کرتے ہوئے شرجیل میمن اور دیگر ملزمان کی ضمانت کی درخواستیں ایک جگہ کرنے کی ہدایت کردی۔
نیب نے کیس میں الزام عائد کیا ہےکہ سابق وزیر شرجیل میمن، سیکرٹری اطلاعات ذوالفقار شلوانی اور دیگر نے محکمہ میں 576 کروڑ روپے سے زائد کی کرپشن کی ہے۔
مزید خبریں :
