بھارت میں چھوٹی چھوٹی باتوں پر شادیاں ٹوٹنا روزانہ کا معمول بن گیا ہے لیکن اس باردلہے کے گٹکے کھانے پر شادی کے ٹوٹ جانے کا انوکھا واقعہ پیش آیا ہے۔

جی ہاں بھارتی میڈیا رپورٹس کے مطابق ریاست اترپردیش کے مرار پتی گاؤں میں شادی کی تقریب میں دلہے کو گٹکا چبانا مہنگا پڑ گیا اور دلہن نے اسی وقت شادی سے انکار کردیا۔

تفصیلات کے مطابق دلہا شادی کی رسومات کے دوران گٹکا کھا رہا تھا جو اس کی دلہن کو ذرا نہ بھایا اور دیدہ دلیری کا مظاہرہ کرتے ہوئے اس نے شادی سے انکار کردیا۔

اس موقع پر لڑکی کے گھر والوں نے بہت سمجھایا لیکن دْلہن اپنی ضد پر اڑی رہی، شدید ضد بحث کے بعد شادی ہی ختم کرڈالی۔