پاکستان
21 جون ، 2017
21 جون ، 2017 
جعلی شناختی کارڈکیس: نادرا افسر کی درخواست ضمانت پر فیصلہ محفوظ
21 جون ، 2017
سندھ ہائیکورٹ نےجعلی شناختی کارڈ بنانے سے متعلق کیس میں بلدیہ نادرا سینٹر کے سپرنٹنڈنٹ کی درخواست ضمانت پر فیصلہ محفوظ کرلیا۔
بلدیہ نادرا سینٹر کے سپرنٹنڈنٹ سلام اللہ کی درخواست ضمانت کی سماعت سندھ ہائیکورٹ میں ہوئی۔
ملزم سلام اللہ کو جعلی شناختی کارڈ بنانے کے الزام میں ایف آئی اے نے گزشتہ سال گرفتار کیا تھا۔
ایف آئی اے کے مطابق ملزم سلام اللہ نے 77 جعلی شناختی کارڈ بنائے اور دو اسکولوں کے ہیڈماسٹرز کی شناختی دستاویزات جعلی مہریں بنا کر تصدیق بھی کی۔
عدالت نےملزم کی درخواست ضمانت پر فیصلہ محفوظ کرتے ہوئے سماعت ملتوی کردی۔
