بالی وڈ میں سنجو بابا کے نام سے مشہور سنجے دت نے اجے دیوگن کو فلم میں شامل کئے جانے کی وجہ سے فلم ’’ٹوٹل دھمال‘‘ میں کام کرنے سے انکار کردیا۔

معروف ہدایت کار اندرا کمار نے سنجے دت کو جیل سے رہائی کے بعد فلم ’’دھمال‘‘ کے تیسرے سیکوئل ’’ٹوٹل دھمال‘‘ میں کاسٹ کیا تھا لیکن سنجے دت نے فلم میں ذومعنی جملوں کے استعمال کا بہانہ بنا کر فلم میں کام کرنے سے انکار کردیا تھا تاہم اس کی اصل وجہ سامنے آگئی ہے۔

بھارتی میڈیا رپورٹس کے مطابق سنجے دت  نے فلم  کے سیکوئل میں کام کرنے سے انکار ذو معنی جملوں کی وجہ سے نہیں بلکہ اجے دیوگن کو فلم میں کاسٹ کرنے کی وجہ سے  کیا۔

بالی وڈ کے سنجو بابا فلم "ٹوٹل دھمال" میں اداکار اجے دیوگن کے ساتھ کام کرنا نہیں چاہتے اور یہی وجہ ہے کہ انہوں نے بعد کی مشکلات سے بچنے کے لیے فلم کی کاسٹ سے علیحدگی کو ہی عافیت سمجھا۔

فلم کے اسکرپٹ میں تمام اداکاروں کا ان کے کردار کی برابری کی سطح پر رکھا گیا ہے۔

خیال رہے کہ سنجے دت اور اجے دیوگن نے فلم ’’ہم کسی سے کم نہیں‘‘، ’’ایل او سی کارگل‘‘ اور ’’سن آف سردار‘‘ سمیت 12 فلموں میں ایک ساتھ کام کیا ہے۔