صحت و سائنس
04 اگست ، 2017

کھانسی کے دوران چند چیزوں سے احتیاط ضروری

کھانسی کے دوران چند چیزوں سے احتیاط ضروری

ماہرین کے مطابق کھانسی کو دور کرنے کے لیے ضروری ہے کہ ادرک ،شہد، وٹامن سی الائچی اور دارچینی کا استعمال مفید ہے جب کہ ساتھ ہی ماہرین کھانسی کے دوران بعض چیزوں سے بچنے کا بھی مشورہ دیتے ہیں۔

دودھ کے استعمال سے پرہیز:

دوران کھانسی دودھ کا استعمال مضر ہے اس لیے اس سے پرہیز کرنا چاہیے۔ دودھ پینے سے بلغم میں اضافہ ہوتا ہے جو کہ پھیپھڑوں اور سینے کی تکلیف کا باعث بنتا ہے اور ساتھ ہی اس سے گلے میں خرابی پیدا ہوجاتی ہے۔

ماہرین صحت مشورہ دیتے ہیں کہ کھانسی کے دوران تمام ڈیری اشیا سے احتیاط کرنا چاہیے۔

پانی زیادہ پئیں:

کھانسی کے دوران پانی کا استعمال زیادہ کریں اور جسم میں پانی کی کمی نہ ہونے دیں۔ پانی کا زیادہ استعمال گلے کو خشک رکھنے سے بچاتا ہے جب کہ نیم گرم پانی پینے سے گلے کی خشکی بھی دور ہوتی ہے اور ساتھ ہی گلے کی سوجن بھی ختم ہوجاتی ہے۔

کھانسی کے دوران چائے کافی اور ایسے مشروبات سے پرہیز کرنا چاہیئے جن میں کیفین شامل ہو ۔

میٹھی اشیا سے پرہیز:

دوران کھانسی زیادہ میٹھی غذا نہیں کھانی چاہیے کیوں کہ اس سے کھانسی میں اضافہ ہوتا ہے۔وائٹ بریڈ ،پاستہ، چپس اور مصنوعی ذائقے کی مٹھائیوں کے بجائے پتے والی سبزیوں کا استعمال کرنا چاہیے۔

تلی ہوئی غذا نہ کھائیں:

کھانسی کے دوران تلی ہوئی غذا کا سختی سے پرہھیز کرنا چاہیئے کیونکہ تلی ہوئی چیزیں گلے میں چکناہٹ پیدا کردیتی ہیں جو مزید تکلیف کا سبب بنتا ہے۔

کھٹی چیزوں سے پرہیز:

ماہرین کے مطابق دوران کھانسی کھٹی چیزیں کھانے اور پینے سے پرہیز کرناچاہیے کیونکہ اس میں موجود ایسیڈک ایسڈ  گلے کے غدود کے لیے نقصان دہ ثابت ہوتا ہے۔

ماہرین اور ڈاکٹرز کا کہنا ہے کہ علاج سے بہتر پرہیز ہے اس لیےکوشش کی جائے کہ دوران کھانسی ان تمام اشیاء سے پرہیز کیا جائے۔

مزید خبریں :