25 اکتوبر ، 2017 
قائد اعظم ٹرافی: ایک اننگز میں آٹھ کھلاڑیوں کے ایل بی ڈبلیو ہونے کا ریکارڈ قائم
25 اکتوبر ، 2017
قائد اعظم ٹرافی میں پاکستان کی ڈومیسٹک فرسٹ کلاس ٹیم یو بی ایل نے حریف ٹیم پی ٹی وی کے آٹھ کھلاڑیوں کو ایل بی ڈبلیو کرکے ریکارڈ بکس میں شمولیت اختیار کرلی ہے۔
پاکستان کے سب سے بڑے فرسٹ کلاس ٹورنامنٹ میں پانچویں راونڈ کا میچ پی ٹی وی اور یو بی ایل کے درمیان سیالکوٹ میں کھیلا گیا جس میں پی ٹی وی کی دوسری اننگز میں آٹھ کھلاڑی ایل بی ڈبلیو ہوئے۔
یہ پاکستان میں فرسٹ کلاس کرکٹ کی تاریخ میں پہلا موقع ہے کہ اننگز میں آٹھ پلیئز ایل بی ڈبلیو ہوئے ہوں، اس سے قبل چار مواقعوں پر کھلاڑی سات، سات مرتبہ ایل بی ڈبلیوز ہوچکے ہیں۔
دنیائے کرکٹ میں فرسٹ کلاس میچ کی ایک اننگز میں آٹھ کھلاڑیوں کا ایل بی ڈبلیو ہونا اننگز میں سب سے زیادہ ایل بی ڈبلیوز کی تعداد ہے اور یو بی ایل اننگز میں آٹھ ایل بی ڈبلیو کرنے والی دسویں ٹیم بن گئی ہے۔
اس سے قبل نو مرتبہ فرسٹ کلاس مقابلوں میں ایک اننگز میں آٹھ کھلاڑی ایل بی ڈبلیو ہوچکے ہیں۔
یو بی ایل کی اننگز میں فاسٹ بولر میر حمزہ نے چار جبکہ سہیل خان اور احسان عادل نے دو ، دو کھلاڑیوں کو ایل بی ڈبلیو کیا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
