24 نومبر ، 2017 
جنید جمشید کی زندگی پر مبنی فلم 'آنسو' یکم دسمبر کو ریلیز ہوگی
24 نومبر ، 2017
پاکستان کے مشہور بینڈ 'جنون' کے گٹارسٹ سلمان احمد، جنید جمشید کی زندگی پر مبنی مختصر ڈاکیومینٹری فلم 'آنسو' بنا رہے ہیں جو یکم دسمبر کو ریلیز کی جائے گی۔
سلمان احمد نے اپنے ٹوئٹر اکاؤنٹ اور جنون بینڈ کے آفیشل فیس بک پیج پر ایک پوسٹ کے ذریعے تمام مداحوں کو اطلاع دی کہ فلم 'آنسو' یکم دسمبر کو ریلیز ہوگی جو جنید جمشید کی زندگی کے وہ پہلو دکھائے گی جو اب تک سب سے پوشیدہ تھے۔
سلمان احمد کے مطابق فلم میں دیکھا جاسکے گا کہ جنید جمشید اپنے دوستوں، اہل خانہ، مداحوں اور خاص طور پر اپنے وطن عزیز کے لیے کتنے حساس تھے۔
فلم کو جنون پکچرز کے بینر تلے تیار کیا جارہا ہے جس کی ہدایات عمران احمد خان دے رہے ہیں۔ڈاکیومینٹری فلم 'آنسو' مشہور صوفی شاعر بابا بلھے شاہ کی نظم 'کڈی آ مل یا پیاریا' پر ترتیب دی گئی ہے۔
واضح رہے کہ 'دل دل پاکستان' کا تحفہ دینے والے جنید جمشید 7 دسمبر 2016 کو طیارہ حادثہ میں دنیائے فانی سے کوچ گئے تھے لیکن ان کی یادیں مداحوں کے دلوں میں آج بھی زندہ ہیں۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
