25 نومبر ، 2017 
سلمان خان، ایشوریا رائے سے مقابلے پر ناراض
25 نومبر ، 2017
بالی وڈ اداکار سلمان خان اپنی سابقہ دوست ایشوریا رائے بچن سے باکس آفس ٹکراؤ پر ناراض ہیں۔
سلمان خان اور سابق حسینہ عالم ایشوریا رائے کے درمیان دوستی اور تعلق کسی سے ڈھکا چھپا نہیں ہے، یہی وجہ ہے کہ دونوں علیحدگی کے بعد سے ایک دوسرے سے کتراتے ہیں۔
سلو میاں اور ایشوریا نے علیحدگی کے بعد سے اب تک ایک ساتھ کوئی فلم نہیں کی ہے لیکن اب دونوں کی فلمیں باکس آفس پر آمنے سامنے آگئی ہیں۔
سلمان خان کی فلم ’ریس 3‘ اور ایشوریا کی ’فینی خان‘ اگلے برس عید کے موقع پر ایک ساتھ نمائش کے لیے پیش کی جائیں گی، جس کے باعث دونوں فلموں کے درمیان باکس آفس پر تصادم کی توقع کی جارہی ہے۔
لیکن اس تصادم سے سلو میاں شدید ناراض ہیں اور نہیں چاہتے کہ باکس آفس پر ایشوریا رائے سے تصادم ہو۔
بھارتی میڈیا نے سلمان خان کے قریبی ذرائع کے حوالے سے دعویٰ کیا ہے کہ سلمان کبھی بھی باکس آفس پر مقابلے اور اپنی فلموں کی کمائی کی وجہ سے پریشان نہیں ہوتے، لیکن اس بار وہ شدید پریشان ہیں کیوں کہ انہیں ڈر ہے کہ ’ریس 3‘ اور ’فینی خان‘ کے باکس آفس مقابلے سے ایک بار پھر ان کے اور ایشوریا کی خبریں میڈیا میں آنے لگیں گی جو انہیں پسند نہیں ہے۔
سلمان خان کی ’ریس 3‘ میں ان کے مدمقابل اکشے کھنہ اور جیکولین فرنینڈز جب کہ ’فینی خان‘ میں ایشوریا رائے بچن اور انیل کپور مرکزی کرداروں میں نظر آئیں گے۔
مزید خبریں :
شیفالی جریوالا کی آخری ایکس پوسٹ نے ہلچل مچا دی
29 جون ، 2025
اپنی موت کی پیشگوئی کرنے والا انفلوئنسر انتقال کرگیا
27 جون ، 2025
بالی وڈ میں کام کرنے کی کوئی خواہش نہیں: دلجیت دوسانجھ
27 جون ، 2025
