کسی بھی وقت احتجاج کا اعلان کر سکتے ہیں، طاہر القادری

لاہور: پاکستان عوامی تحریک کے سربراہ طاہر القادری نے کہا ہے سانحہ ماڈل ٹاؤن کی رپورٹ کے حوالے سے بات کرتے ہوئے کہا کہ وہ کسی بھی وقت احتجاج کی کال دے سکتے ہیں۔

لاہور میں پریس کانفرنس سے خطاب میں انہوں نے کہا کہ حکومت پنجاب سے باقر نجفی کی رپورٹ لے لی اور اس کا مطالعہ کرلیا۔

انہوں نے کارکنوں کو مخاطب کرتے ہوئے کہا کہ کارکن تیار رہیں، احتجاج کی کال کبھی بھی دی جاسکتی ہے۔

طاہر القادری نے کہا کہ ہماری کوشش ہے کہ اصل رپورٹ تک رسائی حاصل کر سکیں، اس کے آنے تک کچھ حتمی نہیں کہا جاسکتا۔

ان کا مزید کہنا تھا کہ کل وکلا اور کور کمیٹی کا مشترکہ اجلاس ہے جس میں اصل رپورٹ آنے پر تقابلی جائزہ لیا جائے گا۔

لاہورہائیکورٹ کا سانحہ ماڈل ٹاؤن کی رپورٹ عام کرنے کا حکم

عدالت نے پنجاب حکومت کی انٹرا کورٹ اپیل مسترد کرکے رپورٹ 30 روز میں عام کرنے کا حکم دیا ہے، (ن) لیگ کا سپریم کورٹ جانے کا اعلان

اس سے قبل پاکستان عوامی تحریک کے کارکنان پارٹی کے سیکریٹری جنرل خرم نواز گنڈا پور کی قیادت میں تحقیقاتی رپورٹ کے حصول کے لیے سول سیکریٹریٹ پہنچے جہاں پولیس کی جانب سے انہیں اندر جانے سے روک دیا گیا۔

پولیس کے روکنے اور رکاوٹیں کھڑی کرنے پر پاکستان عوامی تحریک کے کارکنان نے احتجاج کیا اور دھرنا دینے کی دھمکی دی۔

تھوڑی دیر کے احتجاج کے بعد خرم نواز گنڈا پور کو سیکریٹری داخلہ نے بلایا اور سانحہ ماڈل ٹاؤن پر باقر نجفی کمیشن رپورٹ کی مصدقہ کاپی ان کے حوالے کی۔

خرم نواز گنڈا پور نے سیکریٹری داخلہ کی رپورٹ کی عدالتی کاپی سے تصدیق کی اور اور تصدیق ہونے پر میڈیا کو رپورٹ ملنے سے آگاہ کیا۔

عوامی تحریک کے سیکریٹری جنرل نے رپورٹ ملنے کے بعد کارکنان کو پرامن طور پر منتشر ہونے کی ہدایت کردی۔

سانحہ ماڈل ٹاؤن میں حکومت پنجاب کے معصوم ہونے پر شبہ ہے: انکوائری رپورٹ

لاہور ہائی کورٹ کا فیصلہ آتے ہی وزیراعلیٰ پنجاب نے رپورٹ پبلک کرنے کا حکم دیا تھا، صوبائی وزیر قانون

یاد رہے کہ 17 جون 2014 کو لاہور کے علاقے ماڈل ٹاؤن میں پاکستان عوامی تحریک (پی اے ٹی) کے سربراہ ڈاکٹر طاہر القادری کی رہائش گاہ کے سامنے قائم تجاوزات کو ختم کرنے کے لیے آپریشن کیا گیا تھا۔

اس موقع پر پی اے ٹی کے کارکنوں کی مزاحمت اور پولیس آپریشن کے نتیجے میں 14 افراد جاں بحق اور 90 کے قریب زخمی ہوگئے تھے۔