07 دسمبر ، 2017 
شام میں داعش کو شکست دے دی، روس
07 دسمبر ، 2017
روس نے دعویٰ کیا ہے کہ ان کی افواج نے عالمی شدت پسند تنظیم داعش کو شام میں شکست دینے کا اپنا مقصد حاصل کر لیا ہے۔
غیر ملکی خبر ایجنسی کے مطابق روسی فوج کے ایک سینئر افسر نے بتایا کہ روسی افواج نے داعش کے خاتمے کے لیے آخری مرحلے پر پوری طاقت کا استعمال کیا اور اب شام میں ایک بھی علاقہ شدت پسند تنظیم کے کنٹرول میں نہیں ہے۔
جنرل اسٹاف آپریشن کے سربراہ کرنل جنرل سرگئی رڈسکوئی نے ایک ٹی وی انٹرویو کے دوران کہا کہ شام میں داعش کو عسکری طاقت کے ذریعے شکست دینے کا مشن مکمل ہو چکا ہے۔
انہوں نے کہا کہ داعش کے خاتمے کے بعد اب شامی افواج شدت پسند تنظیم کے زیر اثر علاقوں کی کلیئرنس کا کام کر رہے ہیں۔
روسی کرنل جنرل نے کہا کہ داعش کے خاتمے کے لیے آخری مرحلے پر روسی فضائیہ کی مدد سے بھرپور آپریشن کیا گیا۔ انہوں نے کہا کہ آپریشن کے فیصلہ کن مرحلے میں دور تک اہداف کو نشانہ بنانے والے بم بھی استعمال کیے گئے۔
روس کے فوجی افسر نے مزید کہا کہ شام میں موجود ہمارے فوجی اب سیزفائر اور امن کو بحال کرنے پر توجہ دیں گے۔
خیال رہے کہ روس سے قبل ایران بھی باقاعدہ طور پر داعش کے خلاف فتح کا اعلان کر چکا ہے۔
مزید خبریں :
بھارتی فضائیہ کا جنگی طیارہ دوران پرواز گرکر تباہ
04 نومبر ، 2024
امریکا، پاکستان اور بھارت، کس ملک کے صدر کی تنخواہ کتنی ہے؟
04 نومبر ، 2024
