12 دسمبر ، 2017 
انوشکا اور کوہلی کے ’’خوابوں کا گھر‘‘ کہاں اور اس کی مالیت کیا ہے؟
12 دسمبر ، 2017
بالی وڈ اداکارہ انوشکا شرما اپنے شوہر ویرات کوہلی کی جانب سے ممبئی کے ساحل کے قریب خریدے گئے 34 کروڑ روپے مالیت کے فلیٹ میں منتقل ہوں گی۔
بھارتی کرکٹ ٹیم کے کپتان ویرات کوہلی اور اداکارہ انوشکا شرما گزشتہ روز شادی کے بندھن میں بندھے، ان دونوں کی شادی اٹلی میں ایک پرفضا مقام پر ہوئی جس میں دونوں قریبی دوست اور رشتے دار شریک تھے۔
نو شادی شدہ جوڑا اٹلی سے جنوبی افریقہ روانہ ہوگا جہاں سے واپسی جنوری میں متوقع ہے لیکن اب دونوں کی رہائش کے حوالے سے خبریں بھی سامنے آئی ہیں۔
بھارتی میڈیا کے مطابق ویرات کوہلی نے گزشتہ سال ممبئی کے مہنگے ترین اپارٹمنٹ سی فیس اپارٹمنٹ میں 34 کروڑ روپے میں اپنے سپنوں کا گھر خریدا تھا جس میں وہ اپنی نئی نویلی دلہن کے ساتھ رہائش پذیر ہوں گے۔
دونوں کا فلیٹ 5 بیڈرومز پر مشتمل ہے جس کا رقبہ 7 ہزار 171 اسکوائر فٹ ہے اور یہ عمارت کے 35 ویں فلور پر واقع ہے جہاں سے سمندر کا خوبصورت نظارہ باآسانی کیا جاسکے گا۔
ڈویلپرز کی جانب سے کوہلی کو فلیٹ کا قبضہ 2018 میں دیا جائے گا جبکہ اسی اپارٹمنٹ میں ان کے دوست یوراج سنگھ نے بھی 29 ویں فلور پر فلیٹ خرید رکھا ہے۔
یاد رہے کہ جب ویرات کوہلی نے یہ فلیٹ بُک کرایا تھا تب سے ہی یہ چہ مگوئیاں کی جارہی تھیں کہ انہوں نے یہ فلیٹ اپنے اور انوشکا شرما کے لیے خریدا ہے جو کہ اب سچ ثابت ہوگئی ہیں۔
مزید خبریں :
فلموں کی ناکامی پر باتھ روم میں جاکر رویا: شاہ رخ کا انکشاف
19 نومبر ، 2024
