31 جنوری ، 2018 
لاہور: سیشن عدالت میں دوگروپوں کا مسلح تصادم، فائرنگ سے پولیس اہلکار اور ملزم جاں بحق
31 جنوری ، 2018
لاہور: سیشن عدالت میں دو گروپوں کے درمیان تصادم سے ایک ملزم ہلاک جب کہ پولیس اہلکار بھی شہید ہوگیا۔
لاہور کی سیشن عدالت میں ایڈیشنل جج عمران شفیع کی عدالت کے باہر دو گروپوں کے درمیان مسلح تصادم ہوا جس میں ایک گروپ نے احاطہ عدالت میں فائرنگ کردی جس کے نتیجے میں پولیس کے زیر حراست ملزم امجد ہلاک جب کہ اس کا ساتھی زخمی ہوگیا۔
تصادم کے دوران پولیس صورتحال کنٹرول کرنے پہنچی تو اس دوران ایک سپاہی نے بیچ بچاؤ کرانے کی کوشش کی تاہم وہ بھی مسلح افراد کی فائرنگ کا نشانہ بن گیا اور گولی لگنے سے شدید زخمی ہوا جسے فوری طبی امداد کے لیے اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔
پولیس کے مطابق شہید ہونے والے اہلکار کی شناخت آصف کے نام سے ہوئی ہے۔
پولیس نے واقعے کےبعد عدالت کے تمام دروازے بند کرکے ملزم کی تلاش کے لیے آپریشن کیا لیکن ملزم فرار ہوگیا۔
ملزم امجد کی احاطہ عدالت میں فائرنگ سے ہلاکت پر اس کے اہل خانہ مشتعل ہوگئے اور شدید احتجاج کیا۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
6 گھنٹے پہلے
کیا پیراتھائرائیڈکا علاج پاکستان میں ممکن ہے؟
8 گھنٹے پہلے
