23 مارچ ، 2018 
شہزادہ ہیری اور میگھن مارکل کی شادی کے دعوت نامے تقسیم
23 مارچ ، 2018
لندن: برطانوی شہزادہ ہیری اور میگھن مارکل کی شادی کےکارڈ مہمانوں میں تقسیم کردیئے گئے۔
شاہی محل کنگسٹن پیلس کی جانب سے اعلان کیا گیا کہ 600 مہمانوں کو سنہری مہر والے شادی کے دعوت نامے بھیج دیئے گئے ہیں۔
شہزادہ ہیری اور میگھن مارکل کی شادی 19 مئی کو مغربی لندن میں ہوگی۔
شادی کی تقریب کے سلسلے میں دیئے جانے والے ظہرانے کی میزبانی ملکہ برطانیہ الزبتھ دوم سینٹ جارج ہال میں کریں گی، جس میں 600 کے قریب مہمان شرکت کریں گے۔
بعدازاں 200 مہمانوں کے اعزاز میں شہزادہ ہیری کے والد پرنس چارلس کی جانب سے فروگ مور ہاؤس میں ایک نجی تقریب منعقد کی جائے گی۔
دوسری جانب شہزادہ ہیری اور میگھن مارکل کے تصویری سیشن کے لیے تقریب ونڈسر کیسل کے باہر پارک میں منعقد ہوگی۔
شادی کے دعوت ناموں پر مہمانوں کے نام کیلیگرافی پرنٹر کے ذریعے سے تحریر کیے گئے۔
دعوت ناموں میں لکھا گیا ہے کہ شادی کے لیے مخصوص ڈریس کوڈ ہوگا، جو مارننگ کوٹ یا لاؤنج سوٹ اور ڈے ڈریس اور ہیٹ پر مشتمل ہوگا۔
اس سے قبل منگل کو اس جوڑے کی جانب سے اعلان کیا گیا تھا کہ انہوں نے لندن میں ایک امریکی پیسٹری شیف کلیئر تاک کو لیمن ایلڈر فلاور ویڈنگ کیک کا آرڈر دیا ہے، جسے بٹر کریم اور پھولوں سے سجایا جائے گا۔
مزید خبریں :
80فیصد مسلمانوں نے ٹرمپ، 78 فیصد یہودیوں نے کملا ہیرس کو ووٹ دیا
15 نومبر ، 2024
