سپریم کورٹ نے اسحاق ڈار کو 8 مئی کو طلب کر لیا

اسلام آباد: سپریم کورٹ نے سابق وزیر خزانہ اسحاق ڈار کو 8 مئی کو طلب کرلیا۔

سپریم کورٹ میں چیف جسٹس پاکستان کی سربراہی میں سینیٹ الیکشن میں اسحاق ڈار کے کاغذات نامزدگی کی منظوری کے خلاف درخواست پرسماعت ہوئی۔

نیب کا اسحاق ڈار کو انٹرپول کے ذریعے واپس لانے کا فیصلہ

نیب نے آمدن سے زائد اثاثوں سے متعلق کیس میں اسحاق ڈار کے ریڈ نوٹس جاری کرنے کا فیصلہ کیا ہے، اعلامیہ

دوران سماعت چیف جسٹس نے اسحاق ڈار کے وکیل سلمان بٹ سے استفسار کیا کہ ہم نے اسحاق ڈار کی طلبی کا حکم دیا تھا، کہاں ہیں اسحاق ڈار؟ ابھی لے آئیں ،کل یاپرسوں لے آئیں، ہم رات 8 بجے تک یہاں بیٹھے ہیں۔

بیماری اتنی لمبی نہیں ہوسکتی، بتائیں اسحاق ڈار کب آئیں گے: چیف جسٹس

سلمان بٹ نے بتایا کہ اسحاق ڈار بیمار ہیں، اس پر چیف جسٹس نے کہا کہ اتنی لمبی بیماری نہیں ہوسکتی، پتا کرکے بتائیں اسحاق ڈار کب تک آئیں گے؟ ہم انہیں حفاظتی ضمانت دے دیتے ہیں۔

جسٹس ثاقب نثار نے کہا کہ ہم نے ایک بارہدایت کی ہے دوبارہ نہیں کرسکتے،  اسحاق ڈار کو ذاتی حیثیت سے پیش ہونے کا حکم دیا تھا۔

اسحاق ڈار کے وکیل سلمان بٹ نے عدالت کو بتایا کہ ڈاکٹرز نے ان کے مؤکل کو سفر سے منع کیا ہے، اس پر چیف جسٹس پاکستان نے کہا کہ ابھی وزیراعظم لندن گئے تو اسحاق ڈارنے وزیراعظم سے ملاقات کی۔

اسحاق ڈار پاکستان آکر مقدمات کا سامنا کریں: جسٹس ثاقب نثار

جسٹس ثاقب نثار نے اسحاق ڈار کے وکیل سے مکالمہ کیا کہ سٹیزن ایرسٹ کے قانون کو آپ جانتے ہیں، وزیراعظم کو شاید اس قانون کا علم نہیں ہوگا، اسحاق ڈار پاکستان آئیں توانہیں حفاظتی ضمانت دیں گے،  وہ پاکستان آکر مقدمات کا سامنا کریں، بہت سارے کام زندگی میں دلیری کے ساتھ کرنے ہوتے ہیں۔

چیف جسٹس نے سابق وزیر خزانہ اسحاق ڈار کو 8 مئی کو طلب کرتے ہوئے حکم دیا کہ اسحاق ڈار نہ آئے تو قانون کے مطابق وارنٹ جاری کریں۔

عدالت نے کیس کی مزید سماعت بھی 8 مئی تک ملتوی کردی۔