05 مئی ، 2018 
تھر کے طلبہ تعلیم کے ساتھ کراٹے کی تربیت حاصل کرنے میں مصروف
05 مئی ، 2018
کئی عشروں سے محرومیوں کے شکار سندھ کے صحرائے تھر میں جہاں بچوں کی تعلیم و تربیت کے لیے کوششیں کی جارہی ہیں، وہیں غیر نصابی سرگرمیوں کو بھی فروغ دینا کا عمل شروع ہوگیا ہے۔
تھر کول ایریا میں قائم اسکولوں میں طلبا و طالبات کو تعلیم کے ساتھ کراٹے کی تربیت بھی دی جارہی ہے جسے وہ بھرپور جوش و جذبے سے سیکھ رہے ہیں۔
اسکولوں میں کراٹے کلاسز کا مقصد طلبہ کو تعلیم کے ساتھ ساتھ اپنے دفاع کی تربیت دینا ہے۔
کراٹے کلاسز دینے والے اساتذہ کا کہنا ہے کہ وہ ان بچوں کو تقریباً دو تین ماہ سے یہ تربیت دے رہیں ہیں، ان بچوں میں سیکھنے کا جنون ہے اور یہ بہت با صلاحیت ہیں۔
تھر جیسے پسماندہ علاقے میں کراٹے جیسے مشکل فن کی تربیت ان بچوں کے لیے کوئی آسان کام نہیں ہے، لیکن ان بچوں کی ہمت اور لگن میں کوئی کمی نہیں آئی۔
مقامی افراد کے مطابق یہ عمل خوش آئند ہے اور اسے جاری رہنا چاہیے۔
