دنیا
Time 20 مئی ، 2018

لندن میں چاقو کے وار سے ایک اور شخص قتل

پولیس نے واقعے کی تحقیقات شروع کر دی ہیں۔ فوٹو: بشکریہ دی سن

لندن میں چاقو کے وار سے ایک اور نوجوان کو قتل کر دیا گیا۔

غیر ملکی خبر رساں ایجنسی کے مطابق جنوبی لندن کی کراؤز روڈ پر چاقو کے وار سے ایک 20 سالہ نوجوان کو قتل کر دیا گیا۔

مقامی میڈیا کے مطابق قتل کا واقعہ جمعرات کی رات ساڑھے 11 بجے کے قریب پیش آیا تاہم پولیس نے قتل ہونے والے شخص کی شناخت ظاہر نہیں کی ہے۔

میئر لندن صادق خان نے جنوبی لندن میں چاقو کے وار سے قتل ہونے والے نوجوان کی تحقیقات کے حوالے سے پولیس سے رابطہ کر لیا ہے۔

میئر لندن نے کہا ہے کہ پولیس واقعے میں ملوث افراد کو سزا دلوانے کے لیے ہر ممکن اقدامات کرے گی۔

لندن میں صرف 5 مہینوں میں 37 سے زائد افراد کو چاقو کے وار سے قتل کیا جا چکا ہے۔

رواں برس لندن میں جرائم کی مختلف وارداتوں میں اب تک 62 سے زائد افراد کو قتل کیا جا چکا ہے۔

مزید خبریں :