سلمان خان کی رشی کپور پر لفظی گولہ باری

بالی وڈ اداکار سلمان خان نے رشی کپور کو نام لیے بغیر انہیں سخت تنقید کا نشانہ بنایا ہے۔

بھارتی میڈیا میں زیر گردش خبروں کے مطابق سلمان خان کے دوست انیل کپور کی صاحبزادی سونم کپور کی شادی کے استقبالیے میں رشی کپور اور دبنگ خان کی بھابھی سیما خان کے درمیان نوک جھونک ہوگئی تھی۔

رشی کپور نے سیما خان سے سلمان کے رویے کی شکایت کی تھی جس پر خاصی گرما گرمی ہوئی تھی اور سلو میاں کے وہاں پہنچنے سے پہلے ہی رشی کپور تقریب ادھوری چھوڑ کر چلے گئے تھے۔

سلمان کی ’سنجو‘ میں رنبیر کے کردار پر ڈھکی چھپی تنقید

فلم ’سنجو‘ کے ٹریلر اور رنبیر کی اداکاری مداحوں کے ساتھ ساتھ کئی سپر اسٹار اداکاروں کو بھاگئی ہے

اس پر سلمان خان نے فلم ’ریس 3‘ کی تشہیری مہم کے دوران نام لیے بغیر رشی کپور پر سخت تنقید کی ہے۔

انہوں نے ایک سوال کے جواب میں کہا کہ  انڈسٹری میں کچھ لوگ ایسے ہیں جو پیار کے لیے ہیں ہی نہیں، وہ عزت کے قابل ہوتے ہیں لیکن عمر ڈھلنے کے ساتھ ساتھ اپنی عزت گنواتے رہتے ہیں۔

انہوں نے کہا کہ فلم انڈسٹری میں ان کا کوئی دشمن نہیں ہے لیکن وہ کچھ لوگوں کو بالکل پسند نہیں کرتے کیوں وہ ان کے خاندان کی عزت نہیں کرتے ہیں اور ایسے ایک دو ہی خاندان ہیں۔

سلمان خان ’ٹیوب لائٹ‘ کی ناکامی اب تک نہیں بھول پائے

فلم ’ٹیوب لائٹ‘ کی ناکامی پر ڈسٹری بیوٹرز کو بھی کافی نقصان اٹھانا پڑا تھا جس کے بعد سلو میاں نے انہیں 35 کروڑ سے زائد کی رقم واپس کی تھی

سلمان کا کہنا ہے کہ خاندان کی عزت نہ کرنے والوں سے وہ نفرت کرتے ہیں اور وہ ایسے انسان کو کبھی بھی اپنے گھر میں داخل نہیں ہونے دیں گے۔

واضح رہے کہ کترینہ کیف کی وجہ سے سلمان خان اور رشی کپور کے بیٹے رنبیر کپور کے تعلقات پہلے ہی خراب ہیں۔

سلمان خان اپنی دشمنی کے حوالے سے مشہور ہیں اور ان کی ناراضی مول لینے والے کئی اداکار و ہدایت کاروں کا فلمی کیریئر زوال کا شکار رہا۔