ضمنی انتخاب میں سمندر پار پاکستانی بھی ووٹ ڈال سکیں گے، الیکشن کمیشن

الیکشن کمیشن کے حکام کا کہنا ہے کہ ضمنی انتخابات میں سمندر پارپاکستانی انٹرنیٹ کے ذریعے ووٹ ڈال سکیں گے۔

الیکشن کمیشن نے سمندر پار پاکستانیوں کو ووٹ ڈالنے سے متعلق طریقہ کار کے لیے ٹاسک فورس کی آئی ووٹنگ رپورٹ ویب سائٹ پر جاری کر دی ہے۔

رپورٹ کے مطابق سمندر پار پاکستانیوں کے لیے آئی ووٹنگ کے پائلٹ پراجیکٹ کیے جائیں گے، آئی ووٹنگ کے پائلٹ پراجیکٹ ضمنی الیکشن کے نتائج پر اثرانداز نہیں ہوں گے۔

سمندر پار پاکستانی عام انتخابات میں ووٹ نہیں ڈال سکیں گے، نادرا حکام

سمندر پار پاکستانیوں کی آن لائن ووٹنگ کا تجربہ ضمنی انتخابات میں کیا جاسکتا ہے لیکن عام انتخابات میں ووٹ ڈالنے کے لیے اوورسیز پاکستانیوں کو پاکستان آنا ہو گا، نادرا حکام

الیکشن کمیشن کے مطابق کئی تجربات کے بعد آئی ووٹنگ کے قابل استعمال ہونے کا فیصلہ کیا جائے گا اور آئی ووٹنگ کے قابل استعمال نہ ہونے پر اس کو مزید بہتر کیا جائے گا۔

پائلٹ پراجیکٹ ابتدائی طور پر پورے حلقہ کے بجائے محدود علاقوں میں شروع کیے جائیں گے۔

الیکشن کمیشن کے مطابق سمندر پار پاکستانیوں کے لیے آئی ووٹنگ ٹاسک فورس سپریم کورٹ کے حکم پر بنائی گئی۔

ٹاسک فورس نادرا اور الیکشن کمیشن کے شعبہ قانون، آئی ٹی ونگ حکام پر مشتمل ہے۔

خیال رہے کہ سمندر پار پاکستانیوں کو ووٹ کا حق دینے سے متعلق کیس سپریم کورٹ میں زیر سماعت ہے۔