پاکستانی آرمی چیف سے گلے ملنے پر سدھو کیخلاف غداری کے مقدمے کی درخواست منظور

سابق بھارتی کرکٹر نوجوت سنگھ سدھو پر عمران خان کی تقریب حلف برداری میں آرمی چیف جنرل قمر جاوید باجوہ سے گلے ملنے پر غداری کا مقدمہ درج کرنے کے لیے درخواست منظور کرلی گئی ہے۔

سابق بھارتی کرکٹر نوجوت سنگھ سدھو نے عمران خان کی بطور وزیراعظم تقریب حلف برداری میں شرکت کی تھی جہاں تقریب میں آرمی چیف جنرل قمر جاوید باجوہ نے ان کا پرجوش استقبال کیا تھا اور دونوں بغل گیر بھی ہوئے تھے۔

پاکستانی آرمی چیف سے گلے ملنے پر سدھو کو بھارت میں کافی تنقید کا سامنا ہے اور انتہا پسند ہندوؤں کی جانب سے ان کے خلاف احتجاجی مظاہرے کیے گئے ہیں۔

بھارتی میڈیا کے مطابق پاکستانی آرمی چیف سے گلے ملنے پر نوجوت سنگھ سدھو کے خلاف غداری کا مقدمہ درج کرنے کے لیے مقامی وکیل سدھر اوجھا نے ریاست بہار کے علاقے مظفر پور کی عدالت میں درخواست دائر کی ہے۔ 

درخواست میں الزام لگایا گیا ہے کہ نوجوت سنگھ سدھو نے پاکستانی آرمی چیف کے گلے لگ کر بھارتی فوج کی تذلیل کی ہے اور ان کی اس حرکت سے بھارتیوں کی دل آزاری ہوئی ہے لہٰذا ان پر غداری کا مقدمہ درج کیا جائے۔

عدالت نے وکیل کی درخواست منظور کرلی جس پر سماعت اگلے ہفتے کی جائے گی۔

ہندو انتہا پسند جماعت نے نوجوت سنگھ کے سر کی قیمت 5 لاکھ مقرر کردی

دوسری جانب بھارتی انتہا پسند جماعت بجرنگ دل نوجوت سنگھ کے سر کی قیمت پانچ لاکھ روپے مقرر کردی ہے۔

انٹرنیٹ پر وائرل ہونے والی ایک ویڈیو میں انتہا پسند جماعت کے عہدیدار سدھو کو عمران خان کی تقریب حلف برداری میں شرکت کرنے پر شدید تنقید کا نشانہ بنارہے ہیں۔

نوجوت سدھو واپس روانہ: سابق کرکٹر کیخلاف بھارت میں نفرت کی لہر برقرار

جو کچھ بھی ماضی میں ہوچکا ہے، اس سے آگے بڑھنا چاہیے، یہ ایک نیا سورج ہے مثبت تبدیلی ہے بھارت کو ایک قدم بڑھانا چاہیے تاکہ وہاں سے دو قدم بڑھائے جائیں، سابق بھارتی کرکٹر

جتنی محبت لایا تھا اس سے سو گناہ زیادہ لے کر جارہا ہوں: نوجوت سدھو

جنرل باجوہ نے کہا کہ ہم امن چاہتے ہیں، انہوں نے کہا کہ بابا گرونانک کے جنم دن پر کرتار پورہ کا راستہ کھول دیں گے، نوجوت سنگھ سدھو