01 ستمبر ، 2018 
اے ایس ایف کی خاتون اہلکار کو گانے پر رقص کی ویڈیو اپ لوڈ کرنا مہنگا پڑگیا
01 ستمبر ، 2018
لاہور: ایئرپورٹ سیکیورٹی فورس کی خاتون اہلکار کو گانے پر رقص کرتے ہوئے ویڈیو انٹرنیٹ پر اپ لوڈ کرنا مہنگا پڑگیا۔
ایئرپورٹ سکیورٹی فورس (اے ایس ایف) کی ایک خاتون اہلکارکی ویڈیو انٹرنیٹ پر وائرل ہوئی ہے جس میں سیالکوٹ ایئرپورٹ پرتعینات خاتون اہلکار گانے پر اپنی ویڈیو بنارہی ہے۔
ویڈیو انٹرنیٹ پر وائرل ہونے کے بعد اے ایس ایف نے اس کا نوٹس لے لیا اور خاتون اہلکار کے خلاف تحقیقات شروع کردی گئ ہیں۔
اے ایس ایف نے ویڈیو منظر عام پر آنے کے بعد اے ایس ایف نے ملازمین کے سوشل میڈیا کے استعمال پر پابندی لگا دی ہے۔
خیال رہے کہ رواں برس مارچ میں بھی ایک ویڈیو سوشل میڈیا پر وائرل ہوئی تھی جس میں پنجاب پولیس کی باوردی خاتون اہلکار بالی وڈ فلم کے گانے پر رقص کر رہی تھیں۔
