27 ستمبر ، 2018 
برطانوی تاریخ کے سب سے بڑے سائبر فراڈ میں ملوث پاکستانی نژاد کی تصاویر جاری
27 ستمبر ، 2018
برطانیہ کی تاریخ میں سب سے بڑے سائبر فراڈ کیس کے مجرم پاکستانی نژاد برطانوی شہری فیضان چوہدری عرف فزی کی تصاویر سوشل میڈیا کے ذریعے مظر عام پر آگئیں۔
مجرم فیضان چوہدری شیر پالنے کے ساتھ ساتھ سونے کے زیورات، رولکس گھڑیوں اور لگژری گاڑیوں کا شوقین تھا۔
مجرم کی لاہور میں عالیشان ولا سمیت لندن اور دبئی میں بھی جائیداد ہیں اور وہ سوشل میڈیا پر اپنی دولت کا خوب دکھاوا کرتا تھا۔
گلاسگو سے تعلق رکھنے والا فیضان چوہدری فون پر ایک سے زائد زبانوں میں لہجہ بدل کر بینک صارفین کو اپنے جال میں اتارتا تھا۔
فیضان چوہدری نے برطانیہ کے دو بڑے بینکوں لوئس اور آر بی ایس کے 750 کھاتے داروں سے دھوکہ دہی سے بینک ٹرانسفر کے ذریعے ڈھائی سال کے عرصے میں 11 کروڑ 30 لاکھ پاونڈ کی رقم ہتھیائی۔
برطانوی میڈیا کے مطابق اپنے عروج کے دور میں یہ سائبر کرائم گینگ ہر ہفتے 20 لاکھ پاونڈز ہتھیا لیتا تھا۔
برطانوی شہری کو جرم ثابت ہونے پر 11 سال قید کی سزا سنائی گئی۔
مزید خبریں :
شینجن ممالک کی فہرست میں 2 نئے ملکوں کا اضافہ ہوگیا
2 گھنٹے پہلے
کینیڈین وزیر اعظم جسٹن ٹروڈو کے مستعفی ہونے کا امکان
9 گھنٹے پہلے
