13 اکتوبر ، 2018 
نیپال میں 5 غیر ملکی کوہ پیما برفانی طوفان کی زد میں آکر ہلاک
13 اکتوبر ، 2018
کھٹمنڈو: نیپال میں گورجا ہمل پہاڑ سر کرنے کی کوشش کرنے والے 5 کوہ پیما اور ان کے 3 گائیڈ برفانی طوفان کی زد میں آکر ہلاک ہوگئے۔
نیپالی حکام نے بتایا ہے کہ ایک مہم کے دوران لاپتہ ہونے والے 5 جنوبی کوریائی کوہ پیماؤں کی لاشیں مل گئی ہیں۔ ان کوہ پیماؤں کے ہمراہ گائیڈ کے طور پر جانے والے 4 نیپالیوں میں سے 3 بھی طوفان کی لپیٹ میں آکر ہلاک ہو گئے جبکہ 1 نیپالی گائیڈ لاپتہ ہے۔
حکام کے مطابق یہ تمام لوگ گورجا ہمل پہاڑ کو سر کرنے کی کوشش میں تھے۔ کوہ پیماؤں کو جمعہ 12 اکتوبر کی شام ایک شدید طوفان کا سامنا تھا۔
ایک امدادی ہیلی کاپٹر ہفتے کی صبح روانہ کیا گیا لیکن بکھری ہوئی لاشوں کو اٹھایا نہ جا سکا۔
خیال رہے کہ گورجا ہمل پہاڑ 7193 میٹر ( 23 ہزار 590 فٹ) بلند ہے۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
3 گھنٹے پہلے
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
