18 اکتوبر ، 2018 
گزشتہ مالی سال کے دوران معاشی شرح نمو 13 سال کی بلند ترین سطح پر رہی، اسٹیٹ بینک
18 اکتوبر ، 2018
اسٹیٹ بینک نے مالی سال 18-2017 میں پاکستانی معیشت کی کارکردگی رپورٹ جاری کردی جس کے مطابق گزشتہ مالی سال کے دوران معاشی شرح نمو 13 سال کی بلند ترین سطح پر رہی۔
مرکزی بینک کے مطابق مالی سال 18-2017 میں معاشی نمو 13 سال کی بلند ترین سطح پر رہی، ملک کے تمام پیداواری شعبوں کی کارکردگی معاشی نمو میں حصہ دار رہی۔
سالانہ رپورٹ کے مطابق معاشی نمو میں اضافے کا سبب کم شرح سود، توانائی کی بہتر ترسیل، سبسڈیز اور قرضوں کی بہتر فراہمی کو بتایا گیا ہے۔
اس کے علاوہ سرکاری اخراجات اور چائنا پاکستان اقتصادی راہداری (سی پیک) سرمایہ کاری سے بھی معاشی نمو بڑھی ہے۔ تاہم معاشی نمو کے حصول میں مالی خسارہ پانچ سال جبکہ کرنٹ اکاؤنٹ خسارہ تاریخ کی بلند ترین سطح پر پہنچ گیا ہے۔
رپورٹ کے مطابق کم مہنگائی کے ساتھ معاشی نمو بنائے رکھنے کیلئے شرح سود میں اضافہ، روپے کی قدر میں کمی اور درآمدات پر ریگولیٹری ڈیوٹیزعائد کی گئیں ہیں تاہم معاشی نمو کو بنائے رکھنے کیلئے سرمایہ کاری بڑھانے کی ضرورت ہے۔
اسٹیٹ بینک کی جانب سے جاری کردہ تفصیلی سالانہ رپورٹ یہاں ملاحظہ کریں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
