نیا پاکستان ہاؤسنگ پروگرام کا دائرہ آزاد کشمیراور گلگت بلتستان تک بڑھایا جائے، وزیراعظم

وزیرِاعظم عمران خان کی زیرصدارت ہاؤسنگ ٹاسک فورس کا اجلاس ہوا جس میں وزیراعظم نے نیا پاکستان ہاؤسنگ پروگرام کا دائرہ کار آزاد کشمیراور گلگت بلتستان تک بڑھانے کی ہدایت کی۔

نادرا نے نیا پاکستان ہاؤسنگ پروگرام کا رجسٹریشن فارم جاری کر دیا

پہلے مرحلے میں رجسٹریشن کے لیے سکھر، کوئٹہ، گلگلت، مظفر آباد، سوات، اسلام آباد اور فیصل آباد کا انتخاب کیا گیا ہے

اجلاس میں وزیرِ ہاؤسنگ چوہدری طارق بشیر چیمہ، وزیرِ دفاع پرویز خٹک، وزیرِ خزانہ اسد عمر، وزیر برائے پلاننگ خسرو بختیار، سینئر وزیر پنجاب علیم خان، سندھ کے وزیر بلدیات سعید غنی، ایم این اے نجیب ہارون، ممبر صوبائی اسمبلی فردوس شمیم، شوکت ترین، سیکرٹری ہاؤسنگ ڈاکٹرعمران زیب، ممبران ٹاسک فورس اور سینیئر افسران نے شرکت کی۔

چیئرمین ٹاسک فورس ضیغم محمود رضوی نے وزیرِاعظم کو نیا پاکستان ہاؤسنگ پروگرام کے سلسلے میں مجوزہ قانون سازی، وفاق اور صوبائی سطح پر قائم کی جانے والی ہاؤسنگ اتھارٹیز اور مجوزہ ریئل اسٹیٹ ریگولیٹری اتھارٹی اور دیگر معاملات پر اب تک ہونے والی پیشرفت پر تفصیلی بریفنگ بھی دی۔

وزیراعظم نے 50 لاکھ گھروں کی تعمیر کے منصوبے کا افتتاح کردیا

پہلے مرحلے میں کم آمدنی والے وفاقی ملازمین کیلئے ہاﺅسنگ اسکیم کا آغاز کیا جا رہا ہے، سات اضلاع میں پائلٹ پراجیکٹ آج سے شروع ہوگا، 60 دنوں میں رجسٹریشن کا عمل مکمل ہوگا، وزیراعظم عمران خان

نیا پاکستان ہاؤسنگ پروگرام پی ٹی آئی حکومت کا سب سے اہم پروگرام ہے جس سے بے گھر افراد کو گھر کی سہولت میسر آنے کے ساتھ ساتھ ملک میں معاشی عمل تیز ہوگا اور نوجوانوں کو بے شمار نوکریوں کے مواقع میسر آئیں گے۔

وزیراعظم عمران خان نے ہدایت کی کہ نیا پاکستان ہاؤسنگ پروگرام کا دائرہ کار آزاد جموں کشمیر اور گلگت بلتستان تک بڑھایا جائے۔