لاہور میں خواتین پولیس اہلکار ناکوں پر تعینات

یہ اہلکار خواتین کی تلاشی لینے کیلئے 24 گھنٹے ناکوں پر موجود رہیں گی، آٹھ گھنٹے کی شفٹوں میں کام کریں گی— فوٹو: جیو نیوز اسکرین گریب

لاہور میں خواتین پولیس اہلکاروں کو ناکوں پر تعینات کر دیا گیا، خواتین کی تلاشی لینے کیلئے 24 گھنٹے ناکوں پر موجود رہیں گی، آٹھ گھنٹے کی شفٹوں میں کام کریں گی۔

لاہور میں لیڈیز پولیس اہلکار ناکوں پر تعینات ہوں گی اور خواتین کی تلاشی لیں گی۔ پولیس حکام کے مطابق شہر کے داخلی اور خارجی راستوں پر لگے ناکوں پر 88 لیڈیز اہلکاروں کو تعینات کیا گیا ہے۔

پولیس حکام کا کہنا ہے کہ لیڈیز اہلکاروں کی تعیناتی کا مقصد شہر کو پرامن بنانا ہے— فوٹو: جیو نیوز اسکرین گریب

یہ اہلکار اب تک 872 خواتین اور گاڑیوں کو چیک کر چکی ہیں، خواتین اہلکار 8 گھنٹے کی شفٹ کے مطابق دن بھر ڈیوٹی دیں گی۔

پولیس حکام کا کہنا ہے کہ لیڈیز اہلکاروں کی تعیناتی کا مقصد شہر کو پرامن بنانا ہے۔

مزید خبریں :