22 جنوری ، 2019 
گوگل میپ میں گاڑی کی رفتار کیلئے دو نئے فیچرز شامل
22 جنوری ، 2019
گوگل میپ میں سفر کے دورانیے اور راستے کی معلومات کے حوالے سے تو فیچرز دستیاب ہیں لیکن اب اس میں نئے اضافی فیچرز بھی شامل کردیئے گئے ہیں جو لوگوں کو اس حوالے سے آگاہ کریں گے کہ کس سڑک پر کتنی رفتار سے گاڑی چلانی ہے۔
ٹیکنالوجی ویب سائٹ میش ایبل کی رپورٹ کے مطابق حال ہی میں اینڈرائیڈ پولیس ڈاٹ کام نے بتایا ہے کہ گوگل میپ میں گاڑی کی رفتار کے لیے اسپیڈ لِمٹ (Speed Limit) اور اسپیڈ ٹریپ (Speed Trap) کا فیچر شامل کیا گیا ہے۔
ان اضافی فیچرز کی مدد سے صارفین کو گوگل میپ پر ہدایت موصول ہوگی کہ انہیں کس سڑک پر کتنی رفتار سے گاڑی چلانی چاہیے اور وہ اس وقت کتنی رفتار سے گاڑی چلا رہے ہیں۔
اس کے علاوہ گوگل آڈیو کے ذریعے بھی گاڑی کی رفتار کے حوالے سے احتیاطی ہدایت فراہم ہوگی۔
یہ دونوں فیچرز میپ میں بائیں جانب دیئے گئے ہوں گے، اسپیڈ لمٹ فیچر گاڑی کی رفتار کے نمبر سے واضح ہوگا جب کہ اسپیڈ ٹریپ فیچر کیمرہ آئیکون کی طرح ہوگا۔
سفر کے دوران مختلف مقامات سے گزرتے وقت ایسی کئی سڑکیں آتی ہیں جن پر گاڑی آہستہ چلانی چاہیے، لیکن اکثر افراد بے دھیانی میں تیز رفتاری سے گاڑی چلاتے ہیں، جو خطرناک ثابت ہوسکتی ہے، یہی وجہ ہے کہ گوگل میپ میں رفتار کنٹرول کرنے کے لیے اہم فیچر متعارف کیے گئے ہیں۔
یہ فیچر فی الحال سان فرانسسکو میں دستیاب ہے لیکن ممکن ہے کہ جلد ہی اسے تمام صارفین کے لیے دستیاب کردیا جائے۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
