Can't connect right now! retry

پاکستان
14 فروری ، 2019

پنجاب اور خیبرپختونخوا کے مختلف شہروں میں بارش کے بعد موسم مزید سرد ہوگیا

فیصل آباد، خانیوال، حافظ آباد اور گرد و نواح میں بارش ہوئی جس کے بعد موسم سہانا ہوگیا۔ فوٹو: فائل

لاہور: پنجاب، خیبرپختونخوا اور آزاد کشمیر کے مختلف شہروں میں بارش کے بعد موسم مزید سرد ہوگیا۔

لاہور شہر کے مختلف علاقوں میں ہلکی بارش ہوئی جس سے موسم کی شدت بڑھ گئی جب کہ فیصل آباد، خانیوال، حافظ آباد اور گرد و نواح میں بارش ہوئی جس کے بعد موسم سہانا ہوگیا۔

ٹوبہ ٹیک سنگھ، بھکر، میاں چنوں، پاکپتین اور قصور شہر اور گرد و نواح میں بارش کے بعد سردی کی شدت میں اضافہ ہوگیا۔

خیبرپختونخوا کے شہر کوہاٹ، صوابی اور گرد و نواح میں بادل خوب جم کر برسے جس نے موسم کی شدت بڑھا دی جب کہ بالائی علاقے ضلع استور میں چوتھے روز بھی برفباری ہوئی جس کے باعث متعدد رابطہ سڑکیں بند ہوگئیں۔ 

آزاد کشمیر کے مختلف علاقوں میں بارش اور پہاڑوں پر برفباری ہوئی، ہٹیاں، نیلم، باغ، پونچھ اور حویلی اضلاع کے میدانی علاقوں میں بارش کے بعد موسم مزید ٹھنڈا ہوگیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM