26 مارچ ، 2019 
پاکستان
فائل فوٹو: وزیراعظم عمران خا
عدالتی فیصلوں کا احترام کرتے ہیں: وزیراعظم کا نوازشریف کی ضمانت پر رد عمل
26 مارچ ، 2019
اسلام آباد: وزیراعظم عمران خان نے نوازشریف کی ضمانت سے متعلق فیصلے پر کہا ہے کہ وہ عدالتی فیصلوں کا احترام کرتے ہیں۔
ذرائع کے مطابق وفاقی کابینہ کے اجلاس کے دوران وزیراعظم عمران خان کو سابق وزیراعظم نوازشریف کی ضمانت کے عدالتی فیصلے سے آگاہ کیا گیا۔
ذرائع کا کہناہےکہ وزیراعظم عمران خان نے نوازشریف کی ضمانت کے فیصلے پر رد عمل میں کہا کہ عدالتی فیصلوں کا احترام کرتے ہیں، ملک میں عدالتیں اور ادارے خود مختار ہیں۔
وزیراعظم کا کہنا تھا کہ نوازشریف کو علاج کی تمام سہولیات دینے کی ہدایت پہلے ہی کرچکے ہیں، ان کی صحت کے لیے دعاگو ہیں۔
واضح رہےکہ سپریم کورٹ نے نوازشریف کو طبی بنیادوں پر 6 ہفتوں کے لیے ضمانت دی ہے۔
