سپریم کورٹ نے کراچی سے تجاوزات کے خاتمے کا ٹاسک وزیراعلیٰ کو سونپ دیا

سپریم کورٹ نے کراچی کی فٹ پاتھوں سے تجاوزات اور رفاعی اداروں کے دسترخوان ختم کرنے کا ٹاسک وزیراعلیٰ سندھ کو سونپ دیا۔

کراچی ماسٹر پلان کی بحالی سے متعلق کیس کی سماعت سپریم کورٹ کی کراچی رجسٹری میں ہوئی۔

اس موقع پر عدالت نے شہر قائد سے تجاوزات ختم کرانے کا ٹاسک وزیراعلیٰ سندھ مراد علی شاہ کو سونپتے ہوئے حکم دیا کہ وزیراعلیٰ تمام اداروں کے ساتھ مل کر مسائل حل کریں۔

تجاوزات آپریشن: سعید غنی کو عدالتی احکامات نہ ماننے پر توہین عدالت کا نوٹس جاری

کہاں ہیں وہ بلدیاتی وزیر اور میئر جو کہتے پھررہے ہیں ہم ایک بھی بلڈنگ نہیں گرائیں گے، کیا انہوں نے عدالت سے جنگ لڑنی ہے؟ جسٹس گلزار احمد

سپریم کورٹ نے وزیراعلیٰ سندھ کو حکم دیا کہ تمام فریقین کی مشاورت سے شہر کو اصل شکل میں بحال کرا کے رپورٹ پیش کریں۔

عدالت نے شہر بھر کی فٹ پاتھوں سے تعمیرات ختم کرانے کا بھی وزیراعلیٰ سندھ کو دیتے ہوئے حکم دیا کہ فٹ پاتھوں سے رفاعی اداروں کے دسترخوان اور شیڈز بھی فوری ختم کیے جائیں۔

سپریم کورٹ نے کراچی میں اسپتالوں کے سامنے خالی پلاٹوں پر ایمبولینس کے لیے زیر استعمال زمینوں کو بھی خالی کرانے کی ہدایت کی۔

سپریم کورٹ نے انتظامیہ کو شہر بھر میں روڈ لائنز، زیبرا کراسنگ اور سائن بورڈز لگانے کی بھی ہدایت کی۔

کراچی میں فوجی زمین سے تمام کاروباری سرگرمیاں ختم کرنے کا حکم

سپریم کورٹ کراچی رجسٹری کا شہر میں فٹ پاتھوں، سروس روڈز سے ٹیبلز اور کرسیاں فوری ہٹانے کا بھی حکم، فٹ پاتھوں پر قائم دسترخوان بھی ہٹائے جائیں گے

کراچی: ریلوے زمین سے تجاوزات 15 دن میں ہٹانے، سرکلر ریلوے ایک ماہ میں چلانے کا حکم

ریلوے کے متاثرین کو وفاق، سندھ حکومت اور میئر کراچی متبادل جگہ فراہم کریں، سپریم کورٹ