مشیر خزانہ نے وزیراعظم کو آئی ایم ایف شرائط، بیل آؤٹ پیکج سے آگاہ کردیا

اسلام آباد: وزیراعظم عمران خان سے مشیر خزانہ ڈاکٹر عبد الحفیظ شیخ اور دیگر اقتصادی ماہرین نے ملاقات کی۔ 

ملاقات میں مشیر خزانہ اور دیگر حکام نے وزیراعظم کو عالمی مالیاتی فنڈ (آئی ایم ایف) سے حتمی معاہدے پر بریفنگ دی اور بیل آؤٹ پیکیج سے متعلق آگاہ کیا۔

ملاقات میں وزیراعظم کو آئی ایم ایف کی شرائط سے متعلق بھی آگاہ کیا گیا۔

پاکستان اور آئی ایم ایف کے درمیان مذاکرات جاری، تاحال معاہدہ طے نہ پا سکا

آئی ایم ایف سے مذاکرات جاری ہیں تاہم معاہدے کے بارے میں حتمی طور پر کچھ کہنا قبل از وقت ہے: حکام وزارت خزانہ

یاد رہے کہ وزارت خزانہ اور آئی ایم ایف حکام کے درمیان قرض معاہدے کو حتمی شکل دینے کے لیے مذاکرات جاری ہیں۔

پاکستان کو 6 ارب 40 کروڑ ڈالر کا قرض ملنے کی توقع ہے جس کی میعاد 3 سال ہوگی۔

خیال رہے کہ گزشتہ ماہ اسد عمر کو وزرات خزانہ سے ہٹائے جانے کے بعد ڈاکٹر عبدالحفیظ شیخ کو وزیراعظم کا مشیر برائے خزانہ بنایا گیا تھا۔