Can't connect right now! retry

کھیل
12 مئی ، 2019

کیا انگلش بولر لیام پلنکٹ نے گیند سے چھیڑ چھاڑ کی؟ ویڈیو وائرل


ساؤتھمپٹن: پاکستان اور انگلینڈ کے درمیان دوسرے ایک روزہ میچ میں انگلش بولر لیام پلنکٹ کی گیند کے ساتھ چھیڑ چھاڑ کی ویڈیو سوشل میڈیا پر وائرل ہوگئی۔ 

گزشتہ روز دوسرے ایک روزہ میچ میں انگلینڈ نے پاکستان کو دلچسپ مقابلے کے بعد 12 رنز شکست دی تھی جب کہ میچ میں انگلش بولر لیام پلنکٹ نے 9 اوورز میں 64 رنز دیکر 2 کھلاڑیوں کو آؤٹ کیا تھا۔

اسی میچ کے دوران کی ویڈیو سوشل میڈیا پر تیزی سے وائرل ہورہی ہے جس میں دیکھا جاسکتا ہے کہ لیام پلنکٹ بولنگ کے دوران گیند سے چھیڑ چھاڑ کررہے ہیں۔

اس حوالے سے پاکستان ٹیم مینجمنٹ بھی آگاہ ہے تاہم میچ آفیشلز کی جانب سے اب تک واقعے کو رپورٹ نہیں کیا گیا۔ 

قوانین کے مطابق میچ آفیشلز 48 گھنٹوں میں معاملے کو رپورٹ کرسکتے ہیں جب کہ پاکستان کرکٹ بورڈ بھی معاملےکو 96 گھنٹے کے اندر رپورٹ کرسکتا ہے۔

ذرائع کا کہنا ہے کہ آئی سی سی کے سی ای او کو بھی 7دن کے اندر ازخود معاملہ رپورٹ کرنےکا اختیارہے۔

دوسری انٹرنیشنل کرکٹ کونسل (آئی سی سی) نے انگلش بولر کی ویڈیو پر ردعمل میں کہا ہے کہ میچ آفیشلز مطمئن ہیں کہ گیند سے کوئی چھیڑ چھاڑ نہیں ہوئی، ہر اوور پر گیند کی کنڈیشن چیک کی گئی تاہم بال ٹیمپرنگ کے شواہد نہیں ملے ہیں۔

یاد رہے کہ دوسرے ایک روزہ میچ میں انگلینڈ نے پہلے کھیلتے ہوئے 374 رنز کے ہدف  تھا تاہم قومی مقررہ 50 اوورز میں 7 وکٹوں کے نقصان پر 361 رنز بناسکی تھی۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM