کپتان، کوچزاور سلیکٹرز کے تقرر سمیت اہم اختیارات احسان مانی سے وسیم خان کے سپرد

لاہور: پاکستان کرکٹ بورڈ (پی سی بی) کے چیئرمین احسان مانی نے کپتان، کوچز، سلیکٹرز اور دیگر اہم تقرریوں کے  اپنے اختیارات منیجنگ ڈائریکٹر وسیم خان کے سپرد کردیے۔ 

عدالتی معاملات اور تنازعات میں گھرے ہوئے پاکستان کرکٹ بورڈ نے گورننگ بورڈ اجلاس طلب کرنےکے بجائے پی سی بی بورڈ آف گورنرز کے اکثریتی اراکین سے سرکولیشن ریزولوشن کے ذریعے اہم فیصلوں کی منظوری حاصل کرلی ہے۔

چیئرمین احسان مانی نے اپنے زیادہ تر کرکٹ سے وابستہ اختیارات ایم ڈی وسیم خان کے سپرد کردیئے ہیں اور اب احسان مانی کے اختیارات کم ہوگئے ہیں۔

ورلڈ کپ سے قبل پی سی بی میں بغاوت، بورڈ کے پانچ ارکان چئیرمین کیخلاف ہوگئے

گورننگ بورڈ نے ڈیپارٹمنٹل کرکٹ ختم کرنے سے انکار کرتے ہوئے وزیراعظم عمران خان کا خواب چکنا چور کردیا، ایم ڈی پی سی بی وسیم خان کی تقرری ماننے سے بھی انکار

کوئٹہ کے اجلاس میں ہنگامہ آرائی کے بعد یہ معاملہ التواء کا شکار ہوگیا تھا لیکن پی سی بی بورڈ آف گورنرز کے اکثریتی اراکین سے سرکو لیشن ریزولوشن کے ذریعے ایم ڈی کی حیثیت کو بھی تسلیم کرالیا ہے۔

کوئٹہ میٹنگ میں اکثر اراکین نے ایم ڈی کی تقرری کوغیر قانونی قرار دیا تھا۔

ذرائع کا کہنا ہے کہ اختیارات ملنے کے بعد اب وسیم خان زیادہ تر کرکٹ فیصلے خود کرسکیں گے جس میں کپتان، کوچز، سلیکٹرز اور دیگر اہم تقرریاں شامل ہیں۔

2014 میں بورڈ آف گورنرز نے یہ تمام اختیارات نجم سیٹھی کو چیئرمین ایگزیکٹیو بورڈ کی حیثیت سے دیئے تھے جو کہ بی او جی کے پاس اختیارات منتقل کرنے کا آئینی حق ہے۔

پی سی بی میں بغاوت کرنیوالے گورننگ بورڈ کے رکن نعمان بٹ کو معطل کردیا گیا

پی سی بی نے قانون کے مطابق نعمان بٹ کا معاملہ آزادانہ ایڈجوڈیکٹر کو بھیج دیا ہے: ترجمان پی سی بی

ماہرین کا کہنا ہے کہ جب بھی بورڈ آف گورنرز کا اجلاس ہوگا سرکولیشن ریزولوشن کے ذریعے لیے گئے فیصلوں کی توثیق کرانا لازمی ہوگی اور یہ نئی پیشرفت اس وقت سامنے آئی ہے جب دو ہفتے برطانیہ میں گزارنے کے بعد منگل کو چیئرمین احسان مانی نے آفس جوائن کیا اور بدھ کو ایم ڈی وسیم خان نے بھی دو ہفتے بعد اپنی ذمے داریاں سنبھال لیں۔ 

بدھ کو رات گئے پی سی بی نے اعلان کیا کہ گورننگ بورڈ نے 2017 اور 18 کے آڈٹ شدہ اکاؤنٹس کی منظوری دے دی ہے جب کہ گورننگ بورڈ نے سرمایہ کاری کی پالیسی کی بھی منظوری دی ہے۔

منظوری دینے والے اراکین میں احسان مانی، اسد علی خان لیفٹنٹ جنرل ( ر) مزمل حسین، کبیر احمد خان، ایاز بٹ اور شاہ ریز روکڑی بھی شامل ہیں۔

دنیا میں ورلڈکپ ٹیموں کا اعلان ہو رہا ہے اور یہاں تماشا لگا ہوا ہے: وسیم اکرم

کھلاڑیوں کے لیے فٹنس ٹیسٹ کا معیار ہونا چاہیے، ایسا نہ ہو کہ فٹنس ٹیسٹ پاس نہ کرنے والے بھی اسکواڈ کا حصہ بن جائیں: سابق کپتان قومی ٹیم

یاد رہے کہ کبیر خان، ایاز بٹ اور شاہ ریز روکڑی نے نعمان بٹ کے ساتھ مل کر بغاوت کی تھی لیکن پھر اپنے پہلے فیصلے پر یوٹرن لیا۔

پی سی بی اعلامیے کے مطابق باغی گروپ کے سربراہ نعمان بٹ کا کیس ایڈجو ڈی کیٹر کے سامنے چل رہا ہے، اس لیے وہ آئین کے تحت کسی اجلا س کا حصہ نہیں بن سکتے۔ ایک اور باغی رکن کوئٹہ کے شاہ دوست کو ڈی نوٹی فائی کیا جاچکا ہے۔