ورلڈکپ اسکواڈ سے ڈراپ کیے جانے پر جنید خان کا انوکھا احتجاج

لندن: ورلڈ کپ کرکٹ ٹورنامنٹ کے لیے پاکستانی ٹیم سے ڈراپ ہونے والے فاسٹ بولر جنید خان نے منہ پر ٹیپ چپکا کر انوکھا احتجاج کیا ہے۔

فاسٹ بولر جنید خان نے خاموش احتجاج کرتے ہوئے انضمام الحق کی سربراہی میں کام کرنے والی سلیکشن کمیٹی سے احتجاج کیا ہے۔

ورلڈ کپ کیلئے قومی ٹیم کا اعلان، محمد عامر ڈراپ

محمد حفیظ کی ٹیم میں شمولیت فٹنس سے مشروط ہے اور ہمارے پاس 22 مئی تک کھلاڑیوں میں تبدیلی کا آپشن موجود ہے: چیف سلیکٹر

جنید خان نے سوشل میڈیا پر اپنی تصویر پوسٹ کی ہے جس میں انہوں نے اپنے منہ پر ٹیپ لگایا ہوا ہے اور تحریر کیا ہے کہ ’میں کچھ نہیں کہنا چاہتا سچ کڑوا ہوتا ہے‘۔ 

پاکستان کرکٹ بورڈ نے اس بارے میں تبصرہ کرنے سے گریز کیا ہے لیکن ضابطہ اخلاق کی خلاف ورزی پر جنید پر کارروائی کا امکان ہے۔

ورلڈکپ کیلئے 15 رکنی قومی ٹیم کا اعلان: عامر اور وہاب کی واپسی

جنید کی جگہ عامر، فہیم اشرف کی جگہ وہاب، یاسر شاہ کی جگہ شاداب اور عابد علی کی جگہ آصف علی کو شامل کیا گیا ہے، چیف سلیکٹر انضمام الحق

بعد ازاں جنید خان نے اپنے ٹوئٹر اکاؤنٹ سے 3 گھنٹے قبل جاری کی گئی احتجاج کی تصویر اور پیغام کو ہٹادیا ہے۔

خیال رہے کہ ورلڈ کپ کیلئے پاکستان کے پہلے اعلان کردہ اسکواڈ میں جنید خان شامل تھے تاہم دورہ انگلینڈ میں ناقص کارکردگی کے باعث سلیکٹرز نے جنید خان کو ڈراپ کردیا  ہے اور وہاب ریاض کو ٹیم میں سپرائز جگہ دی ہے۔

یاد رہے کہ جنید خان کو انگلینڈ کے خلاف 5 ایک روزہ میچز کی سیریز میں 2 میچ کھلائے گئے تھے جس میں انہوں نے 18 اوورز میں 142 رنز کے عوض صرف 2 وکٹیں حاصل کی ہیں۔