صدر سپریم کورٹ بار ایسوسی ایشن کا صدر مملکت عارف علوی کے مواخذے کا مطالبہ

صدر سپریم کورٹ بار ایسوسی ایشن امان اللہ کنرانی نے ارکان پارلیمنٹ سے صدر مملکت عارف علوی کے مواخذے کا مطالبہ کر دیا۔

ان کا کہنا ہے کہ حیرت ہے عدالت عظمیٰ نے ریفرنس موصول ہوتے ہی اسے رد کیوں نہیں کیا، زیارت ریزیڈینسی کی زمین اور عمارت کا تحفہ دینے والے خاندان کو غدار بنایا جا رہا ہے، 14 جون کو ملک بھر میں وکلاء یوم سیاہ منائیں گے، ملک بھر کی ہائی کورٹس اور ڈسٹرکٹ کورٹس کے صدور اور سیکریٹری سپریم کورٹ پہنچیں۔

جسٹس قاضی فائزکیخلاف ریفرنس کی سماعت کیلئے سپریم جوڈیشل کونسل کا اجلاس 14 جون کو طلب

ریفرنس میں جسٹس قاضی فائزعیسیٰ کی اہلیہ کے بیرون ملک اثاثے ظاہر نہ کرنے کا الزام ہے، ان کے خلاف آئین کے آرٹیکل 209 کے تحت کارروائی کی استدعا کی گئی ہے

سپریم کورٹ اسلام آباد میں ہنگامی نیوز کانفرنس میں صدر سپریم کورٹ بار ایسوسی ایشن امان اللہ کنرانی نے کہا کہ جسٹس قاضی فائزعیسیٰ کے خلاف ریفرنس بدنیتی پر مبنی ہے۔ آرٹیکل 200، اور 203 اور 204 کا عمل مکمل کیے بغیر اٹارنی جنرل کو نوٹس جاری کر دیا گیا۔

انہوں نے کہا کہ اس وقت پوری قوم کی نظریں سپریم کورٹ پر ہیں، 14 جون کو جسٹس فائز عیسیٰ کے ساتھ یوم یکجہتی منائیں گے، ملک بھر کی ہائی کورٹ بارز اور ضلعی بارز کے صدور اور سیکریٹری سیاہ دن پر سپریم کورٹ پہنچیں۔

جسٹس قاضی فائزعیسیٰ کا صدر مملکت کو خط، ریفرنس کی نقل فراہم کرنے کی درخواست

میرے خلاف ریفرنس دائر کیا گیا یا نہیں تصدیق یا تردید کی جائے، اگر ریفرنس داخل کیا گیا ہے تو نقل فراہم کی جائے، مخصوص لیکس سے میرا قانونی حق مجروح کیا جا رہا ہے، جسٹس فائز عیسیٰ کا خط

امان اللہ کنرانی نے کہا کہ جس شخص کیخلاف ریفرنس ہے وہ اور اس کا خاندان پاکستان کا محسن ہے، صدر عارف علوی کے خلاف ارکان پارلیمنٹ مواخذے کی کاروائی کریں اور ان کے خلاف ریفرنس فائل کریں، صدرپاکستان کو اس عہدے پر رہنے کا کوئی حق نہیں۔

امان اللہ کنرانی نے کہا کہ جسٹس فائز عیسیٰ کا احتساب کرنے والے ججز پہلے اپنے بارے بیان حلفی دیں، اگر ریفرنس پر کاروائی شروع ہوئی تو 22 کروڑ عوام بھی اپنا کردار ادا کریں گے، کوئی دوسرا جج بھی خیر نہ منائے اگر قاضی فائزعیسیٰ کے ساتھ ایسا ہو رہا ہے تو کسی جج کے ساتھ کچھ بھی ہو سکتا ہے۔

ججز کیخلاف حکومتی ریفرنس: ایڈیشنل اٹارنی جنرل پاکستان احتجاجاً مستعفی

حکومت کی جانب سے سپریم کورٹ کو دباؤ میں لانے کی کوشش کی جا رہی ہے، زاہد فخرالدین نے اپنا استعفیٰ صدر کو بھجوا دیا

انہوں نے کہا کہ جسٹس فائزعیسیٰ نے کوئٹہ دہشت گردی پر جو رپورٹ دی اس نے سب کی آنکھیں کھول دیں، جو لوگ جسٹس فائزعیسیٰ کے خلاف کارروائی چاہتے ہیں وہ دہشت گردوں کے سہولت کار ہیں۔

صدر سپریم کورٹ بار نے کہا کہ قاضی فائزعیسیٰ پر کرپشن، مس کنڈکٹ یا اقرباء پروری کا چارج نہیں، چیف جسٹس کو قاضی فائزعیسیٰ کے میڈیا ٹرائل کا نوٹس لینا چاہیے اور ریفرنس سے متعلق معلومات لیک کرنے والوں کے خلاف کارروائی کرنی چاہیے۔۔

انہوں نے کہا کہ یہ عدلیہ کی توہین ہے، ریفرنس چلا تو اس سے کچھ لوگوں کی انا کی تسکین تو ہو جائے مگر اس کی قیمت ریاست پاکستان کو چکانی پڑے گی۔