02 جون ، 2019 
پاکستان
مسافروں کو پیش آنے والی تکلیف پر معذرت خواہ ہیں، اگلی دستیاب پرواز سے سامان پاکستان بھیج دیا جائے گا، ترجمان پی آئی اے۔ فوٹو: فائل
سعودی عرب سے پشاورآنے والی قومی ایئرلائن کی پرواز مسافروں کا سامان چھوڑ آئی
02 جون ، 2019
پشاور: سعودی عرب سے پشاور آنے والی قومی ایئر لائن کی پرواز مسافروں کا سامان وہیں چھوڑ آئی۔
ذرائع کے مطابق پی آئی اے کی پرواز پی کے 728 کے 40 مسافروں کا سامان ریاض ایئر پورٹ پر رہ گیا جس کے خلاف مسافروں نے باچا خان ایئرپورٹ پر شدید احتجاج کیا۔
ترجمان پی آئی اے نے مسافروں کو پیش آنے والی تکلیف پر معذرت کی اور کہا کہ مسافروں کا سامان اگلی دستیاب پرواز سے پاکستان بھیج دیا جائے گا۔
پی آئی اے کے مسافروں کا سامان چھوڑ آنے کا یہ کوئی پہلا واقعہ نہیں، ماضی میں اس قسم کے کئی واقعات پیش آچکے ہیں۔
