06 جون ، 2019 
بھارت نے شنگھائی تعاون تنظیم کے اجلاس میں مودی، عمران ملاقات کا امکان مسترد کردیا
06 جون ، 2019
بھارت نے شنگھائی تعاون تنظیم کے اجلاس میں نریندر مودی اور پاکستان کے وزیراعظم عمران خان کے درمیان ملاقات کے امکان کو مسترد کردیا۔
بھارتی وزارت خارجہ کے ترجمان رویش کمار کا کہنا ہے کہ کرغیزستان کے دارالحکومت بشکیک میں 13 اور 14 جون کو ہونے والے شنگھائی تعاون تنظیم کے سربراہ اجلاس میں نریندر مودی اور وزیراعظم عمران خان کی کوئی ملاقات طے نہیں ہے۔
انہوں نے کہا کہ پاکستانی سیکریٹری خارجہ کا دورہ بھارت نجی تھا، پاکستانی سیکریٹری خارجہ کے ساتھ کوئی ملاقات طے نہیں تھی۔
خیال رہے کہ وزیراعظم عمران خان نے مئی میں بھارتی لوک سبھا کے الیکشن میں کامیابی پر بھارتی وزیراعظم نریندر مودی کو مبارکباد پیش کی تھی۔
وزیراعظم نے اپنے پیغام میں کہا تھا کہ جنوبی ایشیا میں امن، ترقی اور خوشحالی کے لیے مودی کے ساتھ مل کر کام کرنے کا منتظر ہوں۔
عمران خان کی مبارکباد کے جواب میں بھارتی وزیراعظم نریندر مودی نے ان سے اظہار تشکر کیا تھا۔
عمران خان کی ٹوئٹ کے جواب میں نریندر مودی نے لکھا کہ 'شکریہ عمران خان، میں آپ کی نیک خواہشات پر آپ کا تہہ دل سے مشکور ہوں'۔
نریندر مودی نے مزید لکھا کہ 'میں نے ہمیشہ اپنے خطے میں امن اور ترقی کو اولین ترجیح دی ہے'۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
2 گھنٹے پہلے
سندھ پنجاب سرحد کو ٹریفک کیلئے کھول دیا گیا
3 گھنٹے پہلے
