09 جون ، 2019 
حکومت کا سگریٹ اور 250 ملی لیٹر کولڈ ڈرنک کی بوتل پر ہیلتھ ٹیکس لگانے کا فیصلہ
09 جون ، 2019
لاہور: وفاقی حکومت نے آئندہ مالی سال 20-2019 کے بجٹ میں سگریٹ اور 250 ملی لیٹر کولڈ ڈرنک کی بوتل پر ہیلتھ ٹیکس لگانے کا فیصلہ کرلیا۔
وفاقی حکومت کی جانب سے سگریٹ پر ہیلتھ ٹیکس کے نفاذ کی حتمی منظوری بھی دی جاچکی ہے جس کی تصدیق وزیراعظم عمران خان کے فوکل پرسن برائے انسداد تمباکو نوشی بابر عطا نے بھی کردی۔
بابر عطا کے مطابق 20 سگریٹ والے پیکٹ پر 10 روپے جب کہ 250 ملی لیٹر کولڈ ڈرنک کی بوتل پر ایک روپیہ ہیلتھ ٹیکس لگانے کا فیصلہ کیا ہے۔
وزیراعظم کے فوکل پرسن برائے انسداد تمباکو کا کہنا ہے کہ کاربونیٹڈ ڈرنکس پر بھی ٹیکس عائد کیا جائے گا اور رواں مالی سال کے بجٹ میں ہیلتھ ٹیکس کا باضابطہ اعلان کیا جائے گا۔
بابر عطا کا مزید کہنا تھا کہ تاریخ میں پہلی بار تمباکو نوشی کی حوصلہ شکنی کے لیے ایسے جرات مندانہ فیصلے اور ٹیکس لگائے جارہے ہیں، ہیلتھ ٹیکس سے 40 سے 50 ارب روپے کے وسائل حاصل ہوں گے اور یہ رقم ہیلتھ کارڈ کے ذریعے غریبوں پر خرچ کی جائے گی۔
مزید خبریں :
انٹربینک میں ڈالر مہنگا ہوگیا
1 گھنٹے پہلے
ملک میں فی تولہ سونےکی قیمت کتنی ہے؟
3 گھنٹے پہلے
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
