قوم منی لانڈرنگ کرنے والوں سے مجرمانہ سلوک کرے: وزیراعظم

اسلام آباد: وزیراعظم عمران خان نے کہا ہےکہ وقت آگیا ہے قوم منی لانڈرنگ کرنے والوں سے مجرمانہ سلوک کرے۔

وزیراعظم کا 10 سالہ کرپشن کا پتہ لگانے کیلئے اعلیٰ اختیاراتی کمیشن بنانے کا اعلان

سربراہی خود کروں گا، کمیشن میں آئی بی، ایف آئی اے، ایف بی آر، ایس ای سی پی اور آئی ایس آئی کے نمائندے شامل ہوں گے: عمران خان کا قوم سے خطاب

ٹوئٹر پر جاری بیان میں وزیراعظم عمران خان نے کہا کہ قوم منی لانڈرنگ کرنے والوں کی ستائش بند کرے، منی لانڈرنگ کرنے والوں کو کوئی پروٹوکول نہیں ملنا چاہیے۔

وزیراعظم کا کہنا تھا وقت آگیا ہےکہ قوم منی لانڈرنگ کرنے والوں سے مجرمانہ سلوک کرے، منی لانڈرنگ کرنے والوں نے قوم کو غربت میں دھکیلا اور  نقصان پہنچایا۔

عمران خان نے مزید کہا کہ کہاں عوام کی دولت لوٹنے والوں سے خصوصی برتاؤ ہوتا ہے؟ آج منی لانڈرنگ کرنے والے جمہوریت کے پیچھے پناہ لیناچاہتے ہیں۔