13 جون ، 2019 
پاکستان
ایف بی آر کی جانب سے بھیجے جانے والے نوٹس کا عکس۔ فوٹو: جیو نیوز
متاثرہ شخص کا کہنا ہے کہ وہ 15 ہزار روپے تنخواہ پر زمیندار کے پاس کام کرتا ہے۔ فوٹو: جیو نیوز
ایف بی آر کی پھرتیاں، 15 ہزار تنخواہ والے مزدور کو کروڑوں کا نوٹس بھیج دیا
13 جون ، 2019
فیڈرل بورڈ آف ریوینیو (ایف بی آر) نے ٹیکس وصولیوں کے ہدف کو پورا کرنے کیلیے پھرتیاں دکھاتے ہوئے غریب محنت کش کو ایک کروڑ 72 لاکھ روپے کا نوٹس بھیج دیا۔
ٹیکس اہداف پورا کرنے کے دباؤ کا شکار ایف بی آر نے 15 ہزار روپے ماہانہ پر ملازمت کرنے والے گوجرانوالہ کے محنت کش یوسف کو ایک کروڑ 72 لاکھ روپے انکم ٹیکس کا نوٹس بھجوا دیا۔
ایف بی آر کا نوٹس دیکھ کر انتہائی کم تنخواہ پر ملازمت کرنے والا یوسف پریشان ہو گیا۔
متاثرہ شخص کا کہنا ہے کہ وہ مقامی زمیندار کے پاس 15 ہزار روپے ماہانہ پر کام کرتا ہے، جتنی رقم کا نوٹس اسے ملا ہے، اتنی رقم تو اس نے کبھی دیکھی بھی نہیں ہے۔
