20 جون ، 2019 
محسن خان پی سی بی کی کرکٹ کمیٹی سے الگ ہوگئے
20 جون ، 2019
لاہور: سابق ٹیسٹ کرکٹر محسن خان پاکستان کرکٹ بورڈ کی کرکٹ کمیٹی سے الگ ہوگئے۔
احسان مانی نےگزشتہ برس چیئرمین پی سی بی کا عہدہ سنبھالنے کے بعد محسن خان کی سربراہی میں کرکٹ کمیٹی متعارف کرائی جس میں سابق کپتان وسیم اکرم، مصباح الحق اور عروج ممتاز اراکین تھے، کمیٹی کا کام تجاویز دینا تھا لیکن کمیٹی غیر فعال رہی۔
کمیٹی کے چیئرمین محسن حسن خان الگ ہوگئے ہیں اور اس حوالے سے پی سی بی کا کہنا ہے کہ محسن خان نے چیئرمین احسان مانی سے ملاقات کی اور انہیں عہدے سے الگ کرنے کی خواہش کا اظہار کیا جسے پی سی بی نے قبول کیا اور اب چیئرمین کی ذمہ داری ایم ڈی پی سی بی وسیم خان کو سونپ دی گئی ہے جنہیں پہلے ہی بہت بااختیار کیا جا چکا ہے۔
پاکستان کرکٹ بورڈ نے گزشتہ روز ورلڈکپ کے بعد پاکستان کرکٹ ٹیم کی تینوں فارمیٹ میں گزشتہ تین برس کی کارکردگی کا جائزہ لینےکا فیصلہ کیاتھا۔
کارکردگی کا جائزہ ایم ڈی پی سی بی کی سربراہی میں کام کرنے والی کرکٹ کمیٹی لے گی جو سفارشات مرتب کرے گی اور چیئرمین پی سی بی اور گورننگ بورڈ کو پیش کی جائیں گی۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
6 گھنٹے پہلے
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
