08 جولائی ، 2019 
آئی ایم ایف کے بعد ایشیائی ترقیاتی بینک کا بھی پاکستان کیلئے قرض کا اعلان
08 جولائی ، 2019
اسلام آباد: عالمی مالیاتی فنڈ (آئی ایم ایف) کے بعد ایشیائی ترقیاتی بینک (اے ڈی بی) نے بھی پاکستان کو اربوں ڈالر قرض دینے کا اعلان کردیا۔
اے ڈی بی اعلامیے کے مطابق ایشیائی ترقیاتی بینک 5 سال کے دوران پاکستان کو 10 ارب ڈالر قرض دے گا اور یہ رقم پاکستان کے لیے رعایتی قرضہ ہوگی۔
اعلامیے میں کہا گیا ہے کہ پاکستان کو 10 ارب ڈالر 2020 سے 2024 کے دوران جاری کیے جائیں گے۔
اعلامیے میں بتایا گیا ہے کہ قرض کی مد میں رقم مختلف ترقیاتی منصوبوں کے لیے فراہم کی جائے گی جس میں توانائی سیکیورٹی، ٹرانسپورٹ، زراعت، آبی وسائل، تعلیم، تجارت، سیاحت اور سڑک کے ذریعے وسط ایشیائی ریاستوں سے روابط بہتر بنانا شامل ہے۔
اعلامیے میں کہا گیا ہے کہ 2 ارب 10 کروڑ ڈالر رواں مالی سال کے دوران اصلاحات اور ترقیاتی پروگرام کے لیے دیے جائیں گے جس سے ترقیاتی منصوبے مکمل کرنے سے پاکستان کی مالی ادائیگیوں کے توازن میں بہتری بھی آئے گی۔
اے ڈی بی نے اعلامیے کے مطابق قرض کے پاکستان اورایشیائی ترقیاتی بینک کے درمیان مذاکرات ہوئے جس میں کنٹری پارٹنرشپ کے تحت حکمت عملی سے متعلق مشاورت کی گئی۔
یاد رہے کہ گزشتہ دنوں عالمی مالیاتی فنڈ (آئی ایم ایف) نے بھی پاکستان کے لیے 6 ارب ڈالر کے قرض پروگرام کی منظوری دی تھی۔
مزید خبریں :
روپے کی قدر میں کمی، ڈالر مہنگا ہوگیا
26 نومبر ، 2024
ملک میں سونا مزید سستا ہوگیا
26 نومبر ، 2024
انٹربینک میں ڈالر کی قیمت میں کمی، اوپن مارکیٹ میں اضافہ ہوگیا
25 نومبر ، 2024
پاکستان کی بیلاروس کو رکشے برآمدکرنےکی پیشکش
25 نومبر ، 2024
سونےکی بڑھتی قیمت کو بریک لگ گئی، فی تولہ سونا کتنا سستا ہوا؟
25 نومبر ، 2024
