26 جولائی ، 2019 
پاکستان
سندھ پولیس کے مطابق اس سے قبل چاروں ڈی آئی جیز براہ راست آئی جی سندھ کو رپورٹ کر رہے تھے۔ فوٹو: فائل
سندھ پولیس کے ایڈیشنل آئی جی آپریشنز کے اختیارات میں غیر معمولی اضافہ
26 جولائی ، 2019
کراچی: سندھ پولیس کے انتظامی ڈھانچے میں بڑے پیمانے پر تبدیلیاں کر دی گئیں۔
سندھ پولیس کی جانب سے جاری اعلامیے کے مطابق حال ہی میں بنایا گیا ایڈیشنل آئی جی آپریشنز کا عہدہ تبدیلیوں کی بعد اہم ہو گیا۔
اعلامیے میں بتایا گیا ہے کہ چاروں ڈی آئی جی اب براہ راست ایڈیشنل آئی جی آپریشنز کو رپورٹ کریں گے۔
ڈی آئی جی آپریشنز سندھ، ڈی آئی جی آر آر ایف کو آئی جی آپریشنز کے ماتحت کر دیا گیا ہے۔
ڈی آئی جی آپریشنل پراٹیکشن یونٹ اور ڈی آئی جی ایس آر پی کو بھی اے آئی جی آپریشنز کے ماتحت کر دیا گیا۔
سندھ پولیس کے مطابق اس سے قبل چاروں ڈی آئی جیز براہ راست آئی جی سندھ کو رپورٹ کر رہے تھے۔
