اسلامو فوبیا کے واقعات دنیا کے امن کیلیےخطرہ بن سکتے ہیں: شاہ محمود قریشی

وزیر خارجہ شاہ محمود قریشی کا کہنا ہے کہ اسلامو فوبیا کے واقعات دنیا کے امن و استحکام کے لیے خطرے کا باعث بن سکتے ہیں۔

ناورے میں مسجد پر حملے کی ناکام کوشش کا حوالہ دیتے ہوئے شاہ محمود قریشی نے کہا کہ پاک ائیر فورس کے ریٹائرڈ افسر محمد رفیق نے ناروے میں حملہ آور کو دبوچا اور قیمتی جانیں بچائیں۔

پاک فضائیہ کے ریٹائرڈ اہلکار نے کیسے اوسلو کی مسجد پر حملہ ناکام بنایا؟

محمد رفیق نے اپنی جان پر کھیل کر سفید فام حملہ آور کو دبوچا، نارویجین پولیس نے انہیں ہیرو قرار دیا ہے

انہوں نے مزید کہا کہ محمد رفیق نے غیر معمولی جرات کا مظاہرہ کیا اور ایک اور کرائسٹ چرچ واقعہ ہونے سے بچایا۔

ان کا کہنا تھا کہ پوری قوم محمد رفیق کی جرات اور بہادری کو سلام پیش کرتی ہے۔

وزیر خارجہ نے بتایا کہ جس وقت حملہ آور مسجد کے اندر داخل ہوا اس وقت لوگ عید کی نماز کی تیاریوں میں مصروف تھے، ایک پاکستانی کی نے ہمت سے حملہ آور کے ناپاک عزائم کو خاک میں ملا دیا۔

ناروے کے دارالحکومت اوسلو کی مسجد میں فائرنگ، ایک نمازی زخمی

مسجد پر فائرنگ کرنے والے سفید فام شخص کو گرفتار کرلیا گیا ہے: مقامی پولیس کی تصدیق

انہوں نے کہا کہ مساجد اور عبادت گاہوں پر حملے انتہائی قابل مذمت اور قابل تشویش ہیں۔

شاہ محمود قریشی نے کہا کہ اسلامو فوبیا کے واقعات دنیا کے امن و استحکام کے لیے خطرے کا باعث بن سکتے ہیں۔