پیمرا کی بھارتی مواد نشر کرنے والے کیبل آپریٹرز کیخلاف کارروائیاں

پاکستان الیکٹرانک میڈیا ریگولیٹری اتھارٹی (پیمرا) نے بھارتی مواد نشر کرنے پر کراچی اور حیدر آباد میں کیبل آپریٹرز کے خلاف کارروائیاں کیں۔ 

حکومتی پالیسی بحال: کسی نجی چینل پر بھارتی مواد کی تشہیر نہیں ہوگی

سپریم کورٹ نے نجی چینلز پر غیر ملکی مواد دکھانے سے متعلق لاہور ہائیکورٹ کا فیصلہ معطل کردیا جس سے وفاقی حکومت کی پالیسی بحال ہوگئی

پیمرا نے کراچی اور حیدرآباد کے مختلف علاقوں میں بھارتی مواد نشر کرنے اور پیمرا کے بقایا جات ادا نہ کرنے پر کارروائیاں کیں۔

کارروائی میں ضلع بے نظیرآباد کے سندھ کیبل نیٹ ورک اور اسکائی ورلڈ کیبل نیٹ ورک کا سامان ضبط کیا گیا۔

کراچی میں گارڈن ویسٹ کے علاقے میں بلیو رِبن اور گارڈن کیبل نیٹ ورک کا سامان بھی ضبط کیا گیا۔

'وہ اشتہارات بھی نہیں چلیں گے جن میں بھارتی اداکار ہوں'

پیمرا نے مسئلہ کمشیر کے معاملے پر پاکستان اور بھارت کے درمیان کشیدگی کے پیش نظر بھارت میں بننے والے اشتہارات اور ایسے اشتہارات جن میں بھارتی اداکارہوں، نشر کرنے پر پابندی عائد کردی

ضبط کیے گئے سامان میں سیٹیلائٹ ریسیور، ٹرانسمیٹرز، نوڈز، سی پی یو، وائی فائی ڈیوائس اور ڈونگلز شامل ہیں۔

خیال رہے کہ سپریم کورٹ آف پاکستان نے بھارتی مواد نشر کرنے پر پابندی عائد کررکھی ہے۔

گزشتہ دنوں پیمرا نے بھارتی اداکاروں پر مشتمل اشتہارات نشر کرنے پر بھی پابندی عائد کردی تھی۔